Zaur Cəfərov (pauerliftinqçi)

Zaur Cəfərov (tam adı: Cəfərov Zaur Əliağa oğlu; 5 sentyabr 1982, Sumqayıt) — Azərbaycan Pauerliftinq Federasiyası (APF) yığma komandasının üzvü, 7 qat dünya^[1], 7 qat Avropa çempionu^[2], Azərbaycanın əməkdar idman ustası, elitar idmançı, beynəlxalq dərəcəli idman ustası, beynəlxalq dərəcəli hakim, dünya və Avropa rekordçusu, mütləq dünya və mütləq Avropa çempionu, dünya və Avropa kubokunun sahibi, Heydər Əliyevin xatirəsinə həsr olunmuş beynəlxalq turnirin üçqat qalibi və iki dəfə mütləq çempionu, Qran-Prinin qalibi, dəfələrlə Respublika çempionu. Azərbaycan pauerliftinq tarixində ilk dəfə olaraq (AWPC versiyası üzrə, dopinq kontrol diviziyonunda) ən yüksək dərəcə tələbini 2-dəfə yerinə yetirmış Elitar idmançı.^[3] 2022-ci ildə Rusiyada keçirilən dünya kubokunda Azərbaycan pauerliftinq tarixində ilk dəfə olaraq (AWPC versiyası üzrə, dopinq kontrol diviziyonunda) ən yüksək dərəcə tələbini yerinə yetirərək "Elitar idmançı" titulunu qazanıb. 2023-cü ildə Qırğızıstanda keçirilən Avropa çempionatında ikinci dəfə "Elitar idmançı" tituluna yiyələnib. Göstərdiyi yüksək nəticələrə görə Pauerliftinq üzrə Ümumdünya İdman Təşkilatının rəhbərliyi tərəfindən 2023-cü ildə Rusiyanın paytaxtı Moskvada keçirilən Qran-Pri turnirində pauerliftinqin ən yüksək mükafatı olan "Elitar üzüklə" təltif olunub.

Zaur Cəfərov
Cəfərov Zaur Əliağa oğlu
Zaur Cəfərov 2023-cü ildə Qırğızıstanın Bişkek şəhərində keçirilən Avropa çempionatında ikinci dəfə "Elitar idmançı" titulu qazanarkən
Şəxsi məlumatlar
Vətəndaşlığı	Azərbaycan
Milliyəti	azərbaycanlı
Doğum tarixi	5 sentyabr 1982(1982-09-05) (42 yaş)
Doğum yeri	Sumqayıt, Azərbaycan SSR, SSRİ
Təhsili	Azərbaycan Texniki Universiteti, Azərbaycan Dövlət İqtisad Universiteti
İxtisası	Mühəndis biznesi və menecment; İqtisadiyyat və idarətmə; Aqrar sahədə heyətin idarə edilməsi
Boyu	175 m
Çəkisi	110 kq
İdman növü	Poverliftinq
Karyera illəri	1997 – h.h.
Məşqçisi	Şəmsi Bayramov
İdman dərəcəsi	Azərbaycanın Əməkdar İdman Ustası, Elitar İdmançı, Beynəlxalq dərəcəli İdman ustası, Beynəlxalq dərəcəli hakim, bodibildinq üzrə təlimatçı-məşqçi
Ağırlıq dərəcəsi	110
Komandası	Azərbaycan Milli Pauerliftinq komandası
Medallar Dünya çempionatı Qızıl 7 Gümüş 0 Bürünc 1 Avropa çempionatı Qızıl 7 Gümüş 1 Bürünc 0
Vikianbarda əlaqəli mediafayllar

5 sentyabr 1982-ci ildə Sumqayıt şəhərində anadan olub. Orta təhsilini Sumqayıt şəhəri 32 nomrəli Texniki və Təbiət Elmləri liseyində alıb. 1998–2002-ci illərdə Azərbaycan Texniki Universitetinin (MBM) "Mühəndis biznesi və menecment" fakültəsini bakalavr, 2002–2004-cü illərdə Azərbaycan İqtisad universitetinin "İqtisadiyyat və idarətmə" fakültəsini fərqlənmə diplomu ilə magistraturasını bitirib. 2004–2007-ci illərdə Sumqayıt Dövlət Universitetinin "Aqrar sahədə heyətin idarə edilməsi" ixtisası üzrə doktoranturanı müdafiə etmişdir.

1997-ci ildən etibarən həvəskar idmanla məşğul olmağa başlayıb, sonralar isə pauerliftinq idman novündə respublika cempionatlarına qatılıb. İlk iştirak etdiyi respublika birinciliyində, 2010-cu ildə, fəxri kürsünün ən yüksək zirvəsinə qalxıb. Sonralar Azərbaycan Pauerlifinq Federasiyasının milli heyətinə cəlb olunub. Respublika yarışlarında uğurla çıxış edən Zaur, ABŞ-də keciriləcək dünya çempionatına vəsiqə qazanib. 2011-ci ildə Amerikada keçirilən dünya çempionatının qalibi olub. 2014-cü ildə Azərbaycan, Bakıda keçirilən Avropa çempionatında gümüş mükafata sahib olmuşdur. 2015-ci ildə "The first" mükafatına layiq görülərək, "İlin idmançısı" seçilib. 2017-2018-2019-cu illər dünya və Avropa çempionatlarında fəxri kürsünün ən yüksək pillələrində yer almış və həmən illərdə Heydər Əliyevin xatırəsinə həsr olunmuş beynəlxalq turnirlərin qalibi və iki dəfə mütləq çempionu olmuşdur. 2018-ci ildə Amerika, Florida ştatında keçirilən dünya çempionatında qalib olmuşdur.^[4] 2019-cu ildə Finlandiyanın Lahti şəhərində təşkil olunan dünya çempionatının mütləq dünya çempionu adına layiq görülüb.^[5] 2019-cu ildə Beynəlxalq yarışlarda ölkəmizin şərəfini layiqincə qoruduğuna görə, Azərbaycan Pauerliftinq federasiyası tərəfindən fəxri fərmanla təltif edilib. 2020-ci ildə Zaur Cəfərova Azərbaycanın əməkdar idman ustası fəxri adı verilib. 2021-ci ilin dekabr ayında Rusiayanın paytaxtı Moskva şəhərində keçirilən dünya çempionatında yeni dünya rekorduna imza atıb.^[6] 2022-ci ilin iyun ayında Macarıstanın Kiskunfeledhaza şəhərində keçirilən Avropa çempionatında Avropa rekordunu yeniləyib.^[7] 2022-ci dekabr ayında tarixi uğura imza atıb, Rusiyanın paytaxtı Moskva şəhərində keçirilən dünya kubokunda Azərbaycanın pauerliftinq tarixində ilk dəfə olaraq AWPC versiyası (dopinq kontrol diviziyonu) üzrə ən yüksək dərəcə tələbini yerinə yetirərək "elitar idmançı" tituluna yiyələnib və 6-cı dəfə dünya çempionu olub. 2023-cü ilin mart ayında Misirin Hurqada şəhərində keçirilən dünya kubokunda WPC (World Powerlifting Congress)-in rəhbərliyi tərəfindən beynəlxalq dərəcəli hakim adı verilib.^[8] 2023-cü ilin iyun ayında Qırğızıstanın paytaxtı Bişkek şəhərində keçirilən Avropa çempionatında AWPC versiyası (dopinq kontrol diviziyonu) üzrə ən yüksək dərəcə tələbini yerinə yetirərək ikinci dəfə "elitar idmançı" tituluna yiyələnmış, 6-cı dəfə Avropa çempionu və mütləq Avropa çempionu adına layiq görülmüş, həmçinin 6 dünya və 6 Avropa rekordunu yeniləmişdir. 2023-cü ilin avqust ayında Rusiyanın paytaxtı Moskva şəhərində keçirilən Qran-Pri turnirinin qalibi olmuş, turnir çərçivəsində göstərdiyi yüksək nəticələrə görə Pauerliftinq üzrə Ümumdünya İdman Təşkilatının rəhbərliyi tərəfindən pauerliftinqin ən yüksək mükafatı olan "Elitar üzüklə" təltif olunmuşdur.^[9] "İlin əzmkar idmançısı" nominasiyası üzrə "Zəfər" 2023 beynəlxalq idman mükafatına layiq görülmüşdür. Mart ayının 8–10-u 2024-cü il Qırğızıstanın paytaxtı Bişkek şəhərində pauerliftinqin WPC/AWPC versiyası üzrə keçirilən Açıq Asiya çempionatına beynəlxalq dərəcəli hakim Zaur Cəfərov baş hakimlik etmək üçün dəvət olunub,^[10] turnir çərcivəsində 2023-cü il iyunun 21–25-də Qırğızıstanın paytaxtı Bişkekdə keçirilmiş pauerliftinqin (AWPC, dopinq kontrol versiyası) üzrə Açıq Avropa çempionatında 6 dəfə dünya və 6 dəfə Avropa rekordunu yenilədiyinə və həmçinin 300 kiloqram nəticə ilə ən yüksək dərəcə tələbini yerinə yetirdiyinə görə Qırğızıstan Pauerliftinq Federasiyasının (WPC-AWPC) prezidenti Dmitriy Dorojenko tərəfindən 2-ci dəfə pauerliftinqin üzrə ən yüksək mükafat olan "Elitar Üzüklə" təltif olunub.^[11] 2024-cü il 9–15 iyun tarixlərində Finlandiyanın Salo şəhərində pauerliftinqin AWPC/WPC versiyası üzrə keçirilən Avropa çempionatında AWPC versiyası üzrə 7-ci dəfə Avropa çempionu olub, həmçinin yeni Avropa və dünya rekorduna imza atıb və yarışın mütləq çempionu adına layiq görülüb.^[12] 2024-cü il dekabr ayının 1-2 də Rusiyanın paytaxtı Moskva şəhərində pauerliftinqin AWPC/WPC/WPSO-A/WPSO versiyası üzrə dünya çempionatıda 7 dəfə dünya çempionu olub, həm də 3 cü dəfə “Elitar idmançı” tituluna yiyələnib.^[13]

• Azərbaycanın idman ustası
• Beynəlxalq dərəcəli idman ustası
• Bodibildinq üzrə təlimatçı məşqçi
• Azərbaycanın əməkdar idman ustası
• Beynəlxalq dərəcəli hakim
• Eltar idmançı

Ailəsi

Ailəlidir, 3 oğul övladı var.

Uğurları

• 26. iyun 2011 – ABŞ, York Pensilvaniya, Dünya çempionatı – I yer^[14]
• 15. iyun 2014 – Bakı, Azərbaycan, Avropa çempionatı – II yer^[15]
• 3. may 2017 – Naxçıvan, Azərbaycan, Heydər Əliyev adına beynəlxalq turnir – I yer
• 3. may 2017 – Bakı, Azərbaycan, Heydər Əliyev adına beynəlxalq turnir – Mütləq II yer
• 5. noyabr 2017 – Rusiya, Moskva, Dünya çempionatı – I yer^[16]
• 7. noyabr 2017 – Rusiya, Moskva, Dünya çempionatı – III yer^[17]
• 30. may 2018 – Bakı, Azərbaycan, Heydər Əliyev adına beynəlxalq turnir – I yer
• 30. may 2018 – Bakı, Azərbaycan, Heydər Əliyev adına beynəlxalq turnir – Mütləq çempion
• 7. iyun 2018 – Rusiya, Soçi, Avropa çempionatı, Olimpiya V – I yer^[18]
• 11. iyun 2018 – Rusiya, Soçi, Avropa çempionatı, Olimpiya V – I yer^[19]
• 9. noyabr 2018 – ABŞ, Florida, Orlando, Dünya çempionatı – I yer^[20]
• 29. may 2019 – Bakı, Azərbaycan, Heydər Əliyev adına beynəlxalq turnir – I yer
• 29. may 2019 – Bakı, Azərbaycan, Heydər Əliyev adına beynəlxalq turnir – Mütləq çempion^[21]
• 9. iyul 2019 – Rusiya, Soçi, Avropa çempionatı Olimpiya VI – I yer^[22]
• 12. iyul 2019 – Rusiya, Soçi, Avropa çempionatı Olimpiya VI – I yer^[23]
• 9. noyabr 2019 – Finlandiya, Lahti, Dünya çempionatı – I yer^[24]
• 9. noyabr 2019 – Finlandiya, Lahti, Dünya çempionatı – Mütləq dünya çempionu ^[25]
• 17. dekabr 2021 – Rusiya, Moskva Dünya çempionatı – I yer (dünya rekordu)
• 26. iyun 2022 – Macarıstan, Kiskunfeledhaza, Avropa çempionatı – I yer (open yeni Avropa rekordu, ^[26]
• 26. iyun 2022 – Macarıstan, Kiskunfeledhaza, Avropa çempionatı – I yer (sub-master yeni Avropa rekordu) ^[26]
• 18. dekabr 2022 – Rusiya, Moskva Dünya Kuboku – I yer (open)
• 18. dekabr 2022 – Rusiya, Moskva Dünya Kuboku – I yer (master)
• 18. dekabr 2022 – Rusiya, Moskva Dünya Kuboku – "Elitar idmançı" titulu
• 7. mart 2023 – Misir, Hurqada Dünya Kuboku – Beynəlxalq dərəcəli hakim adı
• 26. iyun 2023 – Qırğızıstan, Bişkek Avropa çempionatı – I yer (6 dünya və 6 Avropa rekordu)
• 26. iyun 2023 – Qırğızıstan, Bişkek Avropa çempionatı – Mütləq Avropa çempionu
• 26. iyun 2023 – Qırğızıstan, Bişkek Avropa çempionatı – 2-ci dəfə "Elitar idmançı" titulu
• 20. avqust 2023 – Rusiya, Moskva Qran-Pri turniri – I yer (open)^[27]
• 20. avqust 2023 – Rusiya, Moskva Qran-Pri turniri – I yer (master)
• 20. avqust 2023 – Rusiya, Moskva Qran-Pri turniri – Pauerliftinqin ən yüksək mükafatı olan "Elitar üzüklə" təltif
• 7.mart 2024 – Qırğızğstan, Bişkek Açıq Asiya çempionatı — 2-ci dəfə "Elitar üzüklə" təltif
• 14.iyun 2024 — Finlandiya, Salo Avropa çempionatı — I yer (open yeni dünya və Avropa rekordu)
• 14.iyun 2024 — Finlandiya, Salo Avropa çempionatı — Mütləq Avropa çempionu
• 02.dekabr 2024 - Rusiya, Moskva dünya çempionatı - I yer ( 3 cü dəfə “Elitar idmançı” titulu)

• Dördqat dünya və dördqat Avropa çempionu Zaur Cəfərov Prezidentə yazır
• "Ağrıya dözməyi bacarırsansa, qalib gələcəksən"
• Öz ölkəni dünyada tanıtmaqdan gözəl stimul ola bilməz – Zaur Cəfərovun müsahibəsi Arxivləşdirilib 2019-11-18 at the Wayback Machine
• Çempiondan Prezidentə: "Siz Azərbaycanı yaşadır, inkişaf etdirirsiniz"
• Bayraq günü bayrağımız ucaldı
• Atletimiz Zaur Cəfərov Moskvada keçiriləcək pauerliftinq üzrə beynəlxalq turnirə dəvət alıb
• Zaur Cəfərov pauerliftinqin ən yüksək mükafatı olan "Elitar Üzüklə" təltif olunub
• Moskvada pauerliftinqçilərin dünya birinciliyi
• Zaur Cəfərovdan, Hörmətli cənab Prezident.
• Pouerliftinqçilərimiz Moskvadan uğurla qayıdıblar
• Elitar idmançımız Zaur Cəfərovdan 300 kq nəticə ilə 6-cı Avropa çempionatında möhtəşəm qələbə
• Zaur Cəfərov pauerliftinq üzrə altıqat dünya çempionu olub
• 300 kq nəticə ilə möhtəşəm qələbə!
• Pauerliftinqçimiz Zaur Cəfərovdan tarixi nailiyyət
• Zaur Cəfərovdan, Prezidentə təşəkkür məktubu
• Titullu pauerliftinqçimiz Zaur Cəfərov növbəti uğura imza atıb
• Pauerliftinq üzrə dördqat dünya çempionu Zaur Cəfərov növbəti qələbəsini qazanıb
• Azərbaycan idmançısı karyerasında beşinci dəfə pauerliftinq üzrə dünya çempionu olub
• Pauerliftinqçimiz Zaur Cəfərov beşinci dəfə dünya çempionu olub
• Zaur Cəfərovdan, Cənab Prezident, gördüyünüz bütün bu işlərə görə, bu gözəl anları bizə yaşatdığınıza görə Sizə dərin minnətdarlığımızı bildiririk.
• Azərbaycan təmsilçiləri pauerliftinq üzrə açıq Avropa çempionatında uğurla çıxış ediblər
• Zaur Cəfərov pauerliftinq üzrə altıqat dünya çempionu olub
• Zaur Cəfərovdan, Cənab Prezident, dildə ifadə edə bilməyəcəyimiz sevinclərə görə Sizinlə fəxr edirik. Son nəfəsimizə kimi bizim Ali Baş Komandanımız, Prezidentimizsiniz.
• Elitar idmançımız Zaur Cəfərovdan 300 kq nəticə ilə 6-cı Avropa çempionatında möhtəşəm qələbə
• Azərbaycan təmsilçiləri pauerliftinq üzrə açıq Avropa çempionatında uğurla çıxış ediblər
• Pauerliftinqçimiz Zaur Cəfərov beşinci dəfə dünya çempionu olub
• 110 kq-da ölkəmizi təmsil edən idmançımız benç press hərəkətində 290 kq nəticə ilə qalib adını qazanıb.
• Atletimiz Zaur Cəfərov Moskvada keçiriləcək pauerliftinq üzrə beynəlxalq turnirə dəvət alıb
• Azərbaycan pauerliftinqçiləri Dünya Kubokunda tarixi uğur qazanıb
• Pauerliftinq üzrə altıqat dünya çempionu
• Zaur Cəfərovdan 6-cı Avropa çempionatında möhtəşəm qələbə
• Azərbaycan idmançısı Zaur Cəfərov Finlandiyanın Laxti şəhərində keçirilən pauerliftinqin idman növü üzrə dünya çempionatının qalibi olub.

• Azərbaycanlı idmançı dünya rekordu qırdı
• Zaur Cəfərovdan, Cənab prezidentə Yaşasın, Azərbaycan! Yaşasın, cənab Ali Baş Komandan!
• İdmançımız 5-ci dəfə dünya çempionu oldu
• Hörmətli cənab Prezident
• Dördqat dünya çempionu Zaur Cəfərov: ABŞ-də keçirilən mundialda himnimizin beş dəfə səsləndirilməsi qürurverici idi
• Cənab Ali Baş Komandan.
• Zaur Cəfərov (110 kq) A/WPC versiyası üzrə "benç press" hərəkətində 262,5 kiloqram nəticə ilə 6-cı dəfə dünya çempionu olub.
• Zaur Cəfərov Avropa çempionu oldu
• Zaur Cəfərovdan, Cənab Prezident, Sizinlə fəxr edirik. Allah Sizi və ailənizi qorusun.
• Заур Джафаров стал шестикратным чемпионом мира по пауэрлифтингу
• Азербайджанец в Москве установил мировой рекорд
• Заур Джафаров стал шестикратным чемпионом мира по пауэрлифтингу
• Azerbaijani powerlifter Zaur Jafarov to compete in international tournament in Russia
• National powerlifter Zaur Jafarov crowned world champion
• Elitar idmançımız Zaur Cəfərovdan 300 kq nəticə ilə 6-cı Avropa çempionatında möhtəşəm qələbə
• Moskvada dünya çempionu oldu, Şuşa-Xankəndi köynəyində Azərbaycan bayrağını nümayiş etdirdi
• Zaur Cəfərovdan, Cənab Prezident, Siz elə birinciliyə, elə rekordlara imzalar atmısınız ki, əminliklə deyə bilərəm, bu rekordlar, bu birinciliklər heç zaman yenilənməyəcək.
• 300 kq-lıq nəticə ilə möhtəşəm qələbə! Sportsman | Sizin idman jurnalınız | № 143"
• Zaur Cəfərov ən yüksək mükafatını qazandı! Sportsman | Sizin idman jurnalınız | № 144""