Ziyəddin Sultanov

Ziyəddin Kamal oğlu Sultanov (Sultanov Ziyəddin Kamal oğlu) — Azərbaycan Respublikasının əməkdar jurnalisti

Ziyəddin Sultanov
Ziyəddin Kamal oğlu Sultanov
Doğum tarixi	1951
Doğum yeri	Mollalar kəndi, Ağdam, Azərbaycan SSR
Vəfat tarixi	13 avqust 2020
Vəfat səbəbi	Uzun sürən xəstəlik
Vətəndaşlığı	SSRİ → Azərbaycan
Milliyyəti	azərbaycanlı
İxtisası	jurnalist
Fəaliyyəti	Jurnalistika
Fəaliyyət illəri	1960-2020
Mükafatları	1991

1951-ci ildə Ağdam rayonunun Mollalar kəndində anadan olmuşdur. Bakı Dövlət Universitetinin jurnalistika fakültəsində təhsil almışdır. Mətbuat aləminə ilk addımlarını 1960-cı illərin ikinci yarısından atmışdı. Onun ilk yazısı Ağdam rayonunda dərc olunan "Lenin yolu" qəzetində çap edilmişdir.

Əmək fəaliyyətinə "Gənclik" nəşriyyatında redaktor kimi başlamışdı (1979). Sonralar "Azərbaycan gəncləri" qəzetində müxbir, "Kommunist" qəzetində müxbir və Qarabağ bölgəsi üzrə xüsusi müxbir vəzidələrində çalışmışdı, ömrünün son günlərinə qədər "Xalq qəzeti"nin Qarabağ bölgəsi üzrə xüsusi müxbiri idi.

13 avqust 2020-ci ildə vəfat etmişdir.^[1]

Qarabağ müharibəsi başlandığı gündən cəbhə bölgələrində olmuşdur. Jurnalist kimi hadisələrin ən gərgin nöqtələrindən - Xankəndindən, Şuşadan, Ağdamdan, Laçından, Xocalıdan, Kəlbəcərdən xəbərlər verirdi. O, baş verən hadisələrə şahidlik etmiş, müharibə və onun doğurduğu faciələri ürək ağrısı ilə qələmə alaraq silsilə əsərlər yaratmışdı.

• "Qarabağ gündəliyi",
• "Qarabağın qara günləri",
• "Xocalı faciəsi",
• "Ağdərədən gələn var",
• "Əsirlər, itkinlər, girovlar",
• "Qarabağ müharibəsi: faktlar, hadisələr, düşüncələr",
• "Ürək dözmür ayrılığa",

• "Gəlin gedək Qarabağa".^[2]
• "Göylərdən gələn gəlin" sənədli povesti.^[3]

• 1991-ci ildə Azərbaycan Respublikasının əməkdar jurnalisti^[4]
• Tərəqqi medalı