-и, -е; -ер, -ери, -ера 1) чиляй экъечӀдай, вичизни хъуьтуьл шуькӀуь тан авай набатат. # векь(ер) ягъун, векьер кьурурун. Алахъна кар вилик тухуз Цазава векь, ник кесибари. С. С. Агъа- СтӀалрин калхуз. Векь экъечӀзава Пацан къузадиз, Гуьнеда цӀив-цӀив ийизва нуькӀре. Б. С. ТӀурфандин вилик. 2) (гзафвилин кьадарда - векьер) гьайванрин ем. # векьин марк. БалкӀанар дар варарай кьенез тухвана, абурун вилик векьер вегьена... 3. Р. ЦӀийи ханлух. 3) малариз гудай векь гьасилун патал хкянавай чка. Итимни къе векьиз фенвай. Р. Амма а вуна лугьузвай чӀехи месэлаяр: инриз рекьер гъунар, векьер цунар, ятар акъудунар, заз чиз, чалай алакьдай крар туш... Б. Гь. Заз эвера.
* векь ягъун гл., ни чиляй экъечӀнавай векь алаф паталди дигмиш хьайила дергесдалди ва я махсус машиндалди ат Ӏун. Акуна-такуна аниз акъат хъувунвай маргъухъан, векь ядай машин хьиз, азаддиз виняйгъуз эвичӀзавай. Б. Гь. Заз, эвера. Цанни цадай ада, векьни ядай, Юргъадалди балкӀанни гьалдай... А. Къ. Жуьгьенар.
* векьер-кьалар сущ.; гьар жуьредин векьер, къалгъанар. Къайгъу авач, за ваз вири чирда: абурун ва векьер-кьаларин чӀални... Б. Гь. Заз эвера. Абуру, гуя чеб яргъалди ина тан тийидайди чиз, «ширх-ширхдин» ван алаз, са къатда чпин вилик акатай векь-кьал, цуьк-пеш вири чухвазвай. Б. Гь. Заз эвера.
* векьин цуьквер сущ.; чуьлдин цуькверин са жуьре. АтӀа чебчпив агатнавай гъвечӀи цуькверизни чна векьин цуьквер ва миргин пфер лугьуда. Абур вири недайбур я. Б. Гь. Гъетер.