сущ.; -или, -иле; -илер, -илери гьахъ тушир гьал. Абуру а заманадин гьахъсузвилер гьикьван эхи авуна, низ чида. Э. Йифен тӀурфан. Шаирвал адаз гьакӀан машгъулат тушир, аксина яз шаирвиликай адаз дуьньядин гьахъсузвилерихъ, пехиррихъ, адалатсузвилерихъ галаз женг чӀугвадай алат хьана. А. А. СтӀал Сулейман. Гьахъсузвилерихъ галаз женг тухуз тежедайди аннамишайла, дуьньядикай рикӀ хана Диогенан. X. X. "Гзаф тажуб рекьева зун..." Жедачни гьарда вичиз чидай чӀуру кӀвалахдикай, гьахъсузвиликай, туьхкӀуьн хъувунин фикиррикай инал жуван жемятдин вилик... лагьайтӀа. Къ. М. Хайи чилин таватар.
* гъахъсузвал авун [кьун ] гл., ни низ эдебдив, къанундив кьан тийидай амал(ар) авун. Чеб лезгияр яз республикада тӀвар-ван авай партийный работник Мамед Мамедов, математикадин илимрин доктор, профессор Керим Керимов, дяведин йисара республикадин Верховный суддин председателвиле кӀвалахай тарихдин илимрин доктор, зи хуьруьнви Алисултан Къулиев хьтин кьегьал рухвайриз кьур гьахъсузвилер гилани чи рикӀелай алатзавач. М. М. Лацу лекеяр.