сущ.; -или, -иле; -илер, -илери, -илера динж тир гьал. Юг гатадайдаз хвар, Динжвилиз ахвар, ЗатӀ жакьваз сухвар ХупӀ ярашугъ я. С. С. Квез вуч ярашугь я. И мани Ризадиз куьчедай чир хьайид тир, ида адан динжвал ва руфуна са тике фу гьатун къалурзавай. А. Ф. Риза. Багъри халкьдиз сергьят авачир кьван вафалу тир Шарвилиди вичин хийирдихъ галтугнавай кас ваъ, халкьдин динжвилихъ, генгвилихъ ялзавай кьегьал я. Б. С. "Шарвили" гьикӀ арадиз атана? Синоним: секинвал. Антоним: секинсузвал, къалабулух.
* динжвал авун гл., ни динж гьалдиз гъун. Зун динжвал ийида, кеф чӀугвада лагьана хтанвайди туш. КӀвалахда лагьана хтанвайди я. ЛГ, 1999, 1.1 V.