туьрк, прил.; алатай. Гила куь вилик эгьмиш хьанвай ( беглер галат патахь ишара ийида ) и жанавурри чпин кечмиш йикъар рикӀел хкиз, шехьрай. Ж. Эфендиев. Азадвилин рекье.
* кечмиш жери глагол сущ., граммат. са касди ийизвай гьерекат маса существительнидал акьалтзавайди къалурдай глагол. Месела, Стхади емишар кӀватӀзава, Ваха перемар чуьхуьзва предложенийра авай кӀватӀзава, чуьхуьзва кечмиш жери глаголар я. Вичелди лагьанвай кар, гьерекат ийизвай предметдин тӀвар ( существительное ва я ам эвез ийидай маса чӀалан пай ) актив падежда хьун истемишдай глаголриз кечмиш жерибур лугьуда. Р. Гьайдаров. Лезги чӀал. 5-6 кл.
* кечмиш тежер глагол сущ., граммат. масадал тефидай гьерекат къалурдай гаф. Месела: Стха ксанва, Вах багъдиз физва предложенийра ксанва, физва кечмиш тежер глаголар я.
* кечмиш хьун гл., вуж чан аламачир гьалдиз атун. 1958 - йисан 22-февралдиз Хуьруьг Тагьир кечмиш хьана. А. С. Хуьруьг Тагьир. Буба кечмиш хьайила, шел-хвал авур Сувар хуьруьз хъфеначир. А. И. Самур. Мифтягъан паб аял хадай чкадал духтурханада кечмиш хьана. А. А. Пад хьайи рагъ. Са шумуд йисалай аялрин дидени кечмиш хьана. К, 1991, 17.Ӏ. Синонимар: кьин, рагьметдиз фин, а дуньядиз фин, техквердиз фин.
* кечмиш хьун(ухь) сущ. кьин. Амач лугьуз и падишагь, Заз са хабар ван хьана хьи, Гьелбет, кечмиш хьунухь я агь, Гила дум дуван хьана хьи. С. С. Амач лугьуз и падишагь.