араб, сущ.; -ини, -ина; -ер, -ери, -ера тайин са мана, фикир. И кьейдерин кӀаникай вичи туькӀуьрнавай формулаяр, гьисабарни кхьин хъувуна Б. Гь. Вили вилер... къейдериз дикьетдалди фикир гана. Б. Гь. Вили вилер. Ахпа зун вири кьейдер гваз чи участкадин начальникдин патав атана. Б. Гь. Вили вилер
* къейд авун гл., ни вуч лугьун, малумарун, тайинарун. Гьа инал заз къейд ийиз кӀанзава хьи, переписда чпин паспортда лезги кхьенвайбурун кьадарни бегьем къалурнавач. М. М. Чун гъвечӀи халкь туш. Гьа кӀ хьайила, вуч къейд авун лазим ятӀа чин тийиз, ам са гъвечӀи кис хьана. Б. Гь. Вили вилер. ЦицӀигърин хуьруьн майишатдин гьалдикай рахайтӀа, къейд авун лазим я хьи, хуьруьн жемят магьсулар, салан майваяр цунилай, малар, лапагар хуьнилай гъейри, яшайишда герек къвезвай са кьадар маса кӀвалахрални машгъул тир. С. Муслимов. ЦицӀигъ-наме. Богданова кьетӀендаказ къейд авурвал, экспедициядин кӀвалах дуьньядин массовый информациядин такьатри гьегьеншдаказ ачухарна. ЛГ, 2002, 1. VӀӀӀ