прил 1) къизилдикай раснавай, къизил акьалжнавай. Къизил мина, айван хупӀ ярашугъ я. Е. Э. Алкьвадар Гьасан эфендидин цӀийи кӀвалериз. Юкь къизил камар, Эй, зи гуьзел яр. Е. Э. Ярдин тариф 2) ( чӀехи гьарфуналди - Къ) дишегьлидин хас тӀвар: Къизил. ЦицӀигъ амачтӀани, хуьруьнвийрин рикӀелай Эрзи халадинни Иминат дидедин манияр, Сейфуллагьдинни Рзахандин зарафатар, Къизиланни Саиматан сегьнедин къугъунар.. садрани алатдач. С. Муслимов. ЦицӀигъ-наме.
* къизил балугъ сущ. ширин тӀеамдин як алай, вацӀун ва гьуьлуьн це жедай балугъдин са жуьре.
* къизил керпич сущ. махсус пичина чеб кана гьазурнавай яру рангунин керпич. Вун а пата, зун и пата, Къизил керпич арабада, Вил вегьена килигайла, Касни аквадач харапӀада. Ф.
* къизилдин медаль сущ. юкьван школа агалкьунралди куьтягьайдаз гудай медаль. ЦӀуд лагьай класс куьтягьайла, са шумуд юкъуз хурудал къизилдин медаль гьалдайла, хуьруьнбуру вирида фикирнай: гададикай алим жеда 3. Гь. Лезгийрин риваят.