араб, прил. са вуч ятӀани кьилиз акъудун патал герек шартӀ, чара авай. Мумкин кӀвалах ая, мумкин туширди Хиве кьамир. Р.
* мумкин хьун гл., низ-квез са вуч ятӀани кьилиз акъудун патал герек шартӀ, чара хьун.... гуьгъуьнин пуд йисан кьене лап Самурдин кьерехдив къведалди мумкин тир кьван чкада къелемар кутуна. А. А. Умуд. Акьул авачирдахъ - регьим, акьул авайдахь - зулум хьун мумкин туш. З. Р. Веси. Ада вичин везифаяр кьилиз акъудзавай геренда адаз чилик хкӀ. аз мумкин жезвайди анжах са кӀвач жеда, яни адан гьерекатар гьахьтин йигинбур жеда. А. Къ. Нехирбанни лекь.... сифте аял чӀурун хата авай кар я. Ахпа аялар таххьун мумкин ялда... З. Къ. ШейтӀандин веледар. Фу кьит тир, артухан сив хизандиз пар жезвай ва я кьуьзуь итимдихъ кьилдаказ гелкъведай кас герек жезвай, ахьтин касдивай хизандин рузи артухаруник пай кутаз хьун мумкин жезвачир. А. Къ. Нехирбанни лекь.
* мумкин я арал. шаклувал квай фикир лугьудайла, ишлемишдай ибара. Адай кьацӀ ваъ, мумкин я, пад акъатда. М. Б. Кварар. Мумкин я, кичӀ акатуни Ахундован вилериз гена екез къалурнай. М. Садикь. Дуст. Мумкин я, фикирна за, ам са гьина ятӀани яргъал чкада командировкада ва я туш кӀвалахиз ава. А. М. Мурк ракъини цӀурурда.