фарс, сущ.; -ди, -да: -яр, -йри, -йра 1) кӀвалин цлай, дакӀардай авадарнавай кьелечӀ парча. Ам гьахьай кӀвале чимизвай; са цал тамамдиз лацу хунин пердедалди кӀевирнавай. А. А. Умуд. Надежда Михайловнади пенжердай куьрсарнавай къирдин перде хкажна.; А. А. Умуд. Нянин къезил шагьвар гумрагь я. Ахъа пенжердай кӀвализ гьахъиз, пердейрихъ галаз кьугьваз ада ширин вишришрин ван тунва. М. В. Вацран ягъун. 2) бедендин къенепатан органрин арадажедай кьелечӀ хам. - Раз... Раз... Раз, - садлагьана акъатай сесини япарин пердейра тӀал твазвай. М. Б. ЦӀийи мискӀин. 3) драмадин эсердин паярикай са пай. Драмадин текст са шумуд чӀехи паюниз пай жеда. Ихьтин паяриз перде лугьуда. Пьесадин кьадарриз килигна, ам са пердедикай, кьвед, пуд, кьуд пердедикай ибарат жеда. Н. А. Литературадин хрестоматия, 1966. Вад пердедикай ибарат и тамашадин винел Ж. Эфендиева ругуд йисуз кӀвалахна. А. Шагьмарданов. Жамирзе Эфендиев. Ф. Б еделахтулан "Филиал" твар алай эсер кьуд пердедикай ибарат тир сатирадин къемеда я. Р. 4) къалмакъал, гьуьжет алай рахунар. Ана гьихьтин перде хьанватӀа, садазни малум туш. С. Гь. КӀири Буба.