* русвагь авун гл. ни вуж-вуч 1) кьарадай ва я маса чиркин затӀунай къацӀурун. 2) чӀуру намуссуз крар дуьздал акъудна абурдай вегьин. Ада гьасятда вич русвагь авунин къурху гузвай. А. А. Лезгияр. - Кавха Рамазан межлисда русвагь авурдал бес тахьай Уьзден а инални суьретдай вегьезвай. С. Ярагъви ашукь Уьзден. Гьа и чӀавуз зи бубади, кӀелзавайбурухъ, вири лезги халкьдихъ элкъвена, вичиз са тахсирни квачиз азабар гайи, вичин кьил буьгьтанрик кутур тапан гьакимар, мадни дуьз лагьайтӀа, алчах инсанар русвагь авун яз, «КӀандай рикӀиз» тӀвар алай шиир - руьгьдин гьарай яратмишнай... З. Къ. «Чуьнгуьрдин сим хьиз рикӀин дам атӀайла...». Синонимар: абурдай вегьин, русвагь авун, беябур авун, уьзуькъара авун, тӀвар кьацӀурун.
* русвагь хьун гл., вуж-вуч 1) кьарадай ва я маса чиркин затӀунай кьацӀун. 2) чӀуру намуссуз крар дуьздал акъатна, абурдай аватун. Синонимар: русвагь хьун, беябур хьун, уьзуькъара хьун, тӀвар кьацӀун.