|| СЕЙР араб, сущ.; анжах текв. кь. -ди, -да элкъуьрна кьунвай чкайриз килигиз къекъуьн. Къари рушахъ галаз сейрдиз физ-хквез хьана. Ф. Кесибдин хва Къагьриман. Гуьзел сердиз фена ялгъуз. Е. Э. Ялгъуз. Гатун са юкъуз колхоздин багъдиз сейрдиз са жегьил гада атана. А. А. Умуд. Гатфарихъ сифте иуьквер кӀватӀиз яйлахриз сейрдиз экъечӀдай... Гь. М. Им къван, имни терез. Цин рехъ... экуьнилай няналди яд гъиз физвай дишегьлийрив, рушарив, сейрдиз экъечтавай жегьил гадайрив, къугъвазвай аялрив ацӀана жедай. СМ. ЦицӀигъ-наме. ☼ М. М. Гьажиеван фикирдалди, сейр ( кил. М. Г. ЛРС, ч. 115), эхиримжи 40 йисуз сер норма яз кьабулнава. Кхьинра кьве жуьредани гьалтзава. Чун тайин себералди сейр вариантдин терефдар я.
* сейр авун. гл., ни ял ягъун патал са гьина ятӀани къекъуьналди, са квез ятӀани килигуналди вахт акъудун. ... гъяддин йикъан няниз сятдин вада хьиз хуьруьн къерехда, кьелеч жив авай рекье са касди ялгъуз сейр ийизвай. А. А. Умуд. Йифен гуьзелвал акурла, хуьре авай къазахризни куьчедиз экъечӀна сейр ийиз кӀанзавай, амма Бубадин анжах са тӀвар ван хьайила, ракь акур чинерар хьиз квахьзавай абур гьар сад са кӀвале чуьнуьх хьанвай. Къ. Къ. КӀири Буба