сущ.; - или, - иле; - илер, - илери, - илера стхаяр тир гьал. Адалатвал, гьахъвал, намус-гъейрат, дуствал ва стхавал - ибур. инсаният патал важиблу месэлаяр яз амукьда. А. А, Арифдар Сулейман. Заз чиз, къенин гуьруьшмиш хьун Самурдин ва Куьре лезгийрин стхавал мягькем авунин къиметлу межлис хьана. Къ. М. Манияр, манияр. За Азербайжандин машгьур академик Бекир Набиевахъ галаз хейлин суьгьбетар авуна. Ада лагьай гафар зи рикӀелай алатдач: «Азербайжанвияр ва лезгияр виш йисаралди къуьн-къуьне аваз яшамиш хьанавай стха халкьар я. И стхавал чна гьар юкъуз хъсандаказ гьиссзава. М. М. Чи адетар чна хвена кӀанда.
* стхавал авун гл., ни низ са шумуд касди сада-садаз стхаяр тир алакъайрин гьуьрметар авун.