араб, сущ.; -ди, -да; -яр, -йри, -йра сада тӀалабдай (тӀалабай) кар. Мадни чи бубайрин гафар я: эгер ваз таниш тушир касди салам гайита, чир хьухь, гуьгъуьнал са тавакъу жеда. Зунни тавакъу гваз атанва. А. А. Умуд. Алмасовак тавакъудиз ва я арзадиз куьчедал яб гудай хесет квачир. А. А. Умуд.... Малла Мегъамеда пачагъдиз тавакъудин чар кхьизва. И тавакъу кьилиз акъудун яз, Николая Нажмудин силисдикай хкудна, офицерар гьазурдай школадиз рекье тунин буйругъ гана. ЛГ, 2004, 22.Ӏ. Синоним: тӀалабун.
* тавакъу авун гл., ни низ, нивай кьилиз акъудна кӀанзавай кардин патахъай минетдалди лугьун. ... ада метӀер чилиз яна, гачал буьркьуьни бишини авун Незер халифдивай тавакъу авуна. Ф. Савдагардин папанни фекьидин кьиса. За вавай муькъуьхъ цлар чӀугун са шумуд сеферда тавакъу авунай, а чӀавуз зи рикӀе элдин хатур авай. А. А. Умуд. - За ви кьуьзуьвилиз гьуьрметзава. Тавакъу ийизва, мад ахьтин пад алачир ихтилатар тийин. А. И. Самур. Синоним: минетун, тӀалабун.
* тавакъу авуналди вак тамай экъечӀдач мисал 'вири крар минет авуналди туькӀуьдайди туш, бязи вахтара къуватни ишлемишна кӀанзавайди я' манадин мисал.