араб, сущ.; -ди, -да; -яр, -йри, -йра инсандин туькьуьл фикир(ар), секинсузвал адавай къакъуддай гафар, келимаяр. Синоним: сабур. - Аллагьдин кьадарар я ман, я хва... - адан гъавурда акьунваз ва адаз теселли яз лагъана Тенфе бадеди... А. Къ. Нехирбанни лекь. Зун гила абуруз амай са машгъулат, са теселли ва са куьмекчи тир. А. Къ. Нехирбанни лекь.
* теселли гун гл., ни низ инсандин туькьуьл фикир(ар), секинсузвал адавай къакъуддай гафар, келимаяр лугьун. И манидал гъуьлуьнни папан гзаф рикӀ алайди тир. Мани лугьуз, Цуьквера вичин хайи гуьгьуьлдиз теселли гудай. Ф. Пад яру яч. Кьведни жегьилзамаз дуьньядилай хъфини абурун сабурар артухарзавай ва садаз муькуьдан кьисметди теселли гузвай. А. Къ. Нехирбанни лекь. ЯтӀани са карди чун секинарзава, чаз теселли гузва; вич амачтӀани, истеклу инсандин, шаирдин руьгь сагъзама. «Самур» журн., 2003, No 6. Ктабди гуьгьуьл шадарда гьар чӀавуз, Теселли гуда ви рикӀиз четин къуз. О. Гьуьсейнов. Бубадин насигьат. Синоним: сабур гун.