араб, сущ.; -ди, да; -ар, -ри, -ра 1) хсуси къайдаяр, устав аваз са гьихьтин ятӀани крар кьилиз акъудун патал инсанрин чпин хушуналди ва я гьукуматдин къарардалди туьк]уьрнавай кватӀал. А фактар виридаз ашкара ятӀани, республикадин талукь тешкилатри са серенжемни къабулзавач. М. М. За нин бахт чуьнуьхна? Лугьун хьи, чкадин властрин, гьукуматдин ва общественный идарайрин, тешкилатрин патай чаз гьич са манийвални авач. Д. Шерифалиев. Къабил бубадихъ галаз гуьруьш. Синоним: организация. 2) вири кӀвалахдин са хел кьиле тухузвай идарадин тайин тир пай. Къекъведай кӀваче цаз акьахда лагьайвал, Мифтягь гзаф идарайрани тешкилатра къекъвена, вичин къастар кьилиз акъудна. А. А. Пад хьайи рагъ. Синоним: отдел.