гл., ни, вуч; -да, -на; -из, -зава; -а, -ин, -рай, -мир; умумиламиш авун, умумиламиш тавун, умумиламиш тахвун, умумиламиш хъийимир кьве ва я са шумуд касдихъ, затӀунихъ авай сад хьтин лишанар къалурун, кӀватӀун. Ина кьетӀен къилихрин хейлин игитар ава: Тарта, Шагьабудин, Кисай, Суванай, Пеленг ва мсб. Гьахъвал, инсанвал, азадвал патал женг чӀугуни абур сад ийизва, умумиламишзава, муькуь патахъай, игитрихъ гьардахь вичин чаравилер, кьетӀенвилер ава, абурни автордилай устаддаказ къалуриз алакьнава. Р. Исаев. Азадвал хуьниз эвер гузвай эсер. Нажмудин Самурскийдин тӀвар, адан кӀвалахар ва зурба ирс дикьетдивди чирун ва умумиламишун, дагъустанвийрин алай ва гележегдин несилрив агакьарун лазим я! ЛГ, 2004, 26. VӀӀ.