|| УЬЛЧУЬ туьрк, сущ.; -ди, -да; -яр, -йри, -йра 1) гегьенш рехъ. Виридаз дуст авай чка Рехъ ачух уьлчуь хьайила... Е. Э. Къазанфараз. Алидхуьрелай итимар галаз хтана абуру дередай мейит акъудна уьлчуьдал кучудна. А. И. Самур. Булут хьана, хкаж хьана Зун ракъинин къаршидиз. Чимивилик агаж хьана. Серин гуз ви уьлчидиз. Г, Селимова. Зун булах тир. Синонимар: шегьре, мостовай. 2) куьгь. са никай ва я квекай ятӀани хабар гвайди, хабар гудайди. Ви патав уьлчуь ракъайтӀа, Яраб вун бизар жедани? Е. Э. Гъазанфераз. Синонимар: чархачи, чапар. ☼ М. М. Гьажиева туькӀуьрай «Лезги чӀалан орфографиядин словарда» (1955-й.) ва Лезги чӀаланни урус чӀалан словарда» (1966-й.) уьлчуь кхьенва. 1964 - йисалай инихъ акъатай орфографиядин словарра уьлчи кьабулнава. Кхьинра уьлчуь адет хьанва, уьлчи тек-туьк гьалтзава. Чи фикирдалди, эхирда ~уь авай вариант кьабулнайтӀа, кьве жуьредин кхьинар арадиз къведачир.