сущ.; -ди, -да; -ар, -ри, -ра хух сесерин ван.
* хух авун гл., ни ксанвай, ахварик квайла, хух сесерин ван акъудун. Ада, Шагь-Буба халу ксанвай япунжидал ярх хьана, бармакни кьилик кутуна, япунжидин пад вичел алчудна. Ахпа кьасухдай хух ийиз эгечӀна. А. Къ. Нехирбанни лекь.
* хух ацалтна нар. къалиндиз хух ийиз-ийиз. Ам, кьилни столдал эцигна, хух ацалтна, ксанвай. Ш. Исаев. Завхоз.
* хух кьуна нар. хъел кваз, рахан тийиз. Марат акьван шад тир хьи, адавай вичин гъвечӀи вахни стха, раханни тийиз, хух кьуна, ацукьнавайди кьатӀузни жезвачир. Н. Насруллаев. "Го-о-ол!"