|| ШКЕСТА фарс, прил.; хер-кьацӀ хьанвай, хер-кьацӀ алай. Кьейибурни шикестаяр Машиндалди хкизва. А. Ф. Дяве.... Зун чӀехи хьана -савадсуз яз ваь, Зун чӀехи хьана - шикеста яз ваъ, - Зун чӀехи хьана - умудсуз яз ваъ, Зун Советрин инсан я. А. Ал. Булутар ва хиялар. И арадани колхоздин куьгьне председатель Мухтар авариядик акатна шкеста хьанваз, адан чкадал итим кӀанзавай. Гь. М. Им къван, имни терез. ☼ 1960 - йисаралди орфографиядин норма шикеста кьабулнавай ( кил.: М. Г. ЛЧЮС, 1955), 1964 - йисалай шкеста ( кил.: М. М. Г., Р. И. Г., У. А. М. ЛЧЮС, 1964- 2001) туькӀуьр хъувуна. Чи фикирдалди, и цӀийивилихъ са делилни авачир. Синонимар: набут, хенек. нахуш, сагъсуз. Антоним: кӀубан.