|| ИКЬИ прил. жими тушир. Челегризни резервуарриз чӀулав икьи шей авахьна. А. А. Нажмудин Самурский. Кьел квачиз ругур дуьгуьдин икьи хапӀа ( каша ) ва я дуьгуь ргана суьзмишна къаришма ишлемишайла, къен фин акъвазда. ЛГ, 1994, 22. ӀV Эгер квез икьи вирт бегенмиш туштӀа, икӀ ая: вирт авай банка 40 градусдин чими цел са шумуд сятда эцига. ЛГ, 2001, VӀӀ. ☼ Орфографиядин словарра и гаф ганвач. Кхьинра икьи гьалтзава. Гуьне патан рахунра кьве жуьредани ишлемишзава. Чун М. М. Гьажиева ( кил. М. Г. РЛС, ч. 156: густой экьи) ишлемишай вариант норма яз гьисабунин терефдар я.
* экьи авун гл., ни вуч экьи тир гьалдиз гъун. Экьи авур хапӀа тӀуьрла, беденни экьи жеда, Р.
* экьи хьун гл., вуч экьи тир гьалдиз атун. Экьи хьайи хапӀа фад кӀеви жеда. Р.