Sitoplazma
Sitoplazma — hüceyrə qılafının daxilində yerləşən şəffaf, yarımmaye qatı və özlü kolloid məhluldur. Xarici mühitdən plazmatik membranla ayrılır. Sitoplazmanın mərkəzində nüvə yerləşir. Digər orqanoidlər: mitoxondrilər, endoplazmatik şəbəkə, ribosomlar, Holci kompleksi və s. sitoplazmada səpələnmiş formadadır. Sitoplazmada həmçinin hüceyrənin həyat fəaliyyətinin məhsulları: zülallar, yağlar, lipidlər, hüceyrənin skletini təşkil edən kiçik borucuklar və saplar da vardır. Sitoplazma maddələr mübadiləsinin əsas mərkəzidir. O, nüvə və digər bütün orqanoidləri özündə birləşdirir, onların qarşılıqlı əlaqəsini təmin edir, membranla orqanoidlər arasında fiziki-kimyəvi və fermentativ əlaqəni təmin edir. Beləliklə, hüceyrənin vahid və canlı sistemini yaradır.
Sitoplazma, protoplazmanın əsas hissəsini təşkil edir.
Ektoplazma
Ektoplazma — Ektoplazma (ekzoplazma) (qədim yunan sözlərindən ἐκτός (èktòs): xaricində və πλάσμα: plazma, hərfi mənası: forması olan) hüceyrə sitoplazmasının dənəvər olmayan xarici hissəsidir, endoplazma isə çox vaxt dənəvər olan daxili təbəqəsidir . Aydındır və qoruyur, həm də hüceyrədəki komponentləri daşıyır. Üstəlik, ektoplazmada çox miqdarda aktin filamentləri meydana gəlir ki, bu da hüceyrə membranı üçün elastik dayaq yaradır.
Aktin və miozin mikrofilamentlərindən ibarətdir.