Kiberxondriya
Kiberxondriya və ya kompuxondriya — axtarış nəticələrinin və onlayn ədəbiyyatın nəzərdən keçirilməsinə əsaslanan ümumi simptomologiya ilə bağlı narahatlıqların əsassız şəkildə artması. Populyar mediada mövcud olan məqalələr kiberxondriyanı müvəqqəti nevrotik artıqlıqdan əlavə ipoxondriyaya qədər hər yerdə yerləşdirir. Kiberxondriya bir çox tibb işçiləri arasında getdikcə artan narahatlıq doğurur, çünki pasiyentlər indi nadir bir xəstəliyin hər hansı və bütün simptomlarını araşdıra və tibbi narahatlıq doğuran vəziyyətini göstərə bilirlər.
== Tədqiqi ==
=== Onlayn axtarış davranışları ===
2008-ci ilin noyabrında bildirilən kiberxondriyanın ilk sistematik tədqiqi "Microsoft" tədqiqatçıları Rayen Vayt və Erik Horvits tərəfindən aparılmışdır. Onlar təhlilin bir neçə mərhələsini əhatə edən genişmiqyaslı tədqiqat aparmışlar. White və Horvitz kiberxondriyanı "İnternetdəki axtarış nəticələrinin və ədəbiyyatın nəzərdən keçirilməsinə əsaslanan ümumi simptomologiya ilə bağlı narahatlıqların əsassız artması" olaraq təyin etmişdilər. Onlar veb-məzmunda xəstəliklərlə simptomların eyni vaxtda baş verməsi üçün internetdə təmsil olunan tədqiqatı araşdırmışdılar. Vayt və Horvits simptomlar üzrə sorğular nəticəsində axtarış nəticələri kimi qaytarılan məzmunu təhlil etmişdilər və beyin xərçəngi kimi nadir xəstəliklərin baş ağrısı kimi ümumi simptomlar ilə əlaqələndirilməsinin yüksək nisbətdə olduğunu tapmışdılar.
Vayt və Horvits 500-dən çox insan arasında internetdən qaynaqlanan tibbi narahatlıqların yayılmasını təsdiqləyən sorğu keçirmişdir. Sorğu göstərdi ki, subyektlərin əhəmiyyətli bir hissəsi tibbi sorğuda nəticələrin siyahısının sıralanmasını müvafiq pozğunluqların olma ehtimalı ilə əlaqələndirir.