Raspberry Pi
Raspberry Pi (Razberi pi) — Öncədən, inkişaf etməkdə olan ölkələrdə ibtidai informatika və kompüter biliklərini tədris etmək məqsədiylə yaradılan, kredit kartı ölçülərində olan və ucuz başa gələn, Raspberry Pi Foundation tərəfindən yaradılan, sonradan isə çox geniş yayılmış və bir çox tətbiq sahələri tapmış bir-lövhəli kompüterdi. Üç il ərzində, ümumilikdə 4,5 miliyon Raspberry Pi satılmışdır.
2011-ci ilin mayında USB fləş kart ölçülərində olan Raspberry Pi-nin ilk konseptini Devid Breben təqdim etmişdir.
2011-ci ilin iyul ayının sonunda avadanlığın alfa - versiyası üzrə işlər bitirilərək istehsala göndəilir. 12 avqusta artıq Raspberry Pi Foundation avadanlıqların ilk hazır partiyasını alır. Alfa - versiyasında olan bəzi test funksiyalar və bahalı detallar avadanlığın final versiyasından cıxarılmışdır. Həmçinin avadanlığın son versiyası 20% daha kiçik və altı qat əvəzinə, dörd qatdan ibarətdir.
10 yanvar 2012-ci ildə şirkət 10 min lövhədən ibarət «B» modelinin istehsalına başladığını elan etdi.
29 fevral 2012-ci il «B» model lövhələrinin satışına başlanılır.
16 iyul 2012-ci il layihənin yaradıcıları Raspberry Pi «B» modelinin sifarişlərinə qoyulan məhdudiyyətlərin yığışdırıldığını bildirdi.
Raspberi adası
Raspberi adası (ing. Raspberry Island) — Kadyak arxipelaqının bir hissəsi olan Alyaska körfəzindəki bir ada, inzibati cəhətdən ABŞ-nin Alyaska ştatının Kadyak-Aylend borosuna aiddir.
Adanın uzunluğu 28 km, eni 5 ilə 12 kilometr arasında dəyişir, sahəsi 192 km²-dir. Ən yüksək nöqtəsi dəniz səviyyəsindən 1000 metr yüksəklikdədir. Kadyak adasına 3,2 km, Afoqnak adasına 0,9 km, materikə isə 48 km-dir.
Ada 19-cu əsrin əvvəllərində Alyaskanın rus tədqiqatçıları tərəfindən kəşf edilmişdir. Leytenant Mixail Muraşev 1839-cu ildə adaya "Malinovı və ya Severnı" adını verir. Kapitan Yuri Lisyanski 1814-cü ildə onu öz xəritələrində adanı Severnı, 1852-ci ildə isə Mixail Tebenkov Böyük Malinovı kimi qeyd etmişdir. Xəz tədarükçüləri dəniz samurlarını tamamilə məhv edirlər. Bu xəz tədarükçülərinin çoxu burada məskunlaşırlar.