Ayrançilo
Mürəkkəb struktura malik olan bu yemək adı “ayran” və “çilo” sözlərinin birləşməsi nəticəsində yaranmışdır. Yuxarıdakı lüğət məqaləsində “ayran” sözünün tarixi-etimoloji köklərinə aydınlıq gətirdik. Burada “çilo” sözü bəzi türk dillərində “yemək” mənasında işlənir: yəni “ayran hazırlanan yemək, xörək”. S. Altaylının lüğətində bu söz məhəlli leksik vahid hesab edilir və “ayran aşı, ayranla bişirilən bir yemək” mənasında olduğu göstərilir. (21, 74)