BUXARLANMA

maddənin maye və bərk haldan qaz halına keçməsi prosesi, bitkinin transpirasiyası, heyvanat aləminin tərləməsi, onların tənəffüsü, həmçinin torpaq səthindən buxarlanma nəticəsində rütubətinin atmosferə keçməsi. Adətən buxarlanma dedikdə suyun buxara çevrilməsi başa düşülür. Temperatur yüksəldikcə buxarlanma artır. Torpaq sət-hindən suyun buxarlanması me-teoroloji şəraitdən, torpağın nəmliyindən, mexaniki tərkibindən, bitki örtüyünün sıxlığından asılıdır. Buxarlanmadan aqrotexniki üsulların hazırlanmasında, suvarma vaxtının və normasının təyin edilməsində, kənd təsərrüfatı bitkiləri çeşidlərinin quraqlığa davamlığına görə rayonlaşdırılmasında istifadə olunur. Su kütləsindən buxarlanma ilə üç istiqamətdə su itir: a) diffuziya ilə; b) mexaniki buxarlanma ilə; c) transpirasiya ilə; Su kütləsi səthindən buxarlanan suların miqdarı aşağıdakı üsullarla təyin edilir: 1. Buxarlandırıcı cihazlar vasitəsilə; 2. Hidrometeoroloji üsulla; 3. Turbulent diffuziya (və ya aerodinamik) üsulla; 4. İstilik balansı üsulu ilə; 5. Su balansı üsulu ilə;