Ağalıkənd Biləsuvar rayonunun eyniadlı i.ə.v.-də kənd. Muğan düzündədir. Oykonim ağalı (etn.) və kənd sözlərindən düzəlib, etnotoponimdir. 1917-ci ildə Ağamkənd adı ilə qeydə alınmış bu yaşayış məntəqəsi 1941-ci ilədək Sarpabad adlanmışdır. 1870-ci ilə aid bir sənəddə yaşayış məntəqəsinin keçmiş dilağarda tayfasının canşalı (cahanşahlı) tirəsinin ağalı nəsli tərəfindən salındığı haqqında məlumat verilir[3]. Ağalıkənd kəndi rayonun cənub şərqində istiqamətində yerləşir. Ağalıkənd inzibati ərazi dairəsi üzrə nümayəndəlik rayonun Əsgərabad, Aşağı Cürəli, Dərvişli, Təzəkənd kəndləri ilə sərhəddir. İnzibati ərazi dairəsi üzrə nümayəndəlikdə 1100 təsərrüfat, 4439 nəfər əhali yaşayır. Nümayəndəlik üzrə 1 tam orta məktəb, 1 həkim ambulatoriyası, 1 kitabxana,1 mədəniyyət evi,1 şadlıq evi və 1 “Modul” tipli sudurulducü qurğu fəaliyyət göstərir.
Azərbaycan
