Cefferson-Siti
| Şəhər | |||
| Cefferson-Siti | |||
|---|---|---|---|
| ing. Jefferson City | |||
 | |||
|
|||
| 38°34′36″ şm. e. 92°10′25″ q. u. | |||
| Ölkə |
 ABŞ |
||
| Region | Missuri | ||
| Başçı | Karri Terqin | ||
| Tarixi və coğrafiyası | |||
| Əsası qoyulub | 1821 | ||
| Sahəsi | 37.58 km² | ||
| Mərkəzin hündürlüyü | 630 m | ||
| Saat qurşağı | |||
| Əhalisi | |||
| Əhalisi | 43,079 nəfər (2010) | ||
| Sıxlığı | 1,198.3 nəf./km² | ||
| Rəqəmsal identifikatorlar | |||
| Telefon kodu | +1 573 | ||
| Poçt indeksi | 65101-65111 | ||
| Digər | |||
| jeffersoncitymo.gov | |||
|
| |||
 Vikianbarda əlaqəli mediafayllar | |||
Cefferson-Siti (ing. Jefferson City) – ABŞ-nin mərkəzi hissəsində şəhər. Missuri ştatının inzibati mərkəzi.[1]
Əhalisi
Əhalisi 43,1 min (2011; aqlomerasiyada təqribən 150 min).[1]
Coğrafiyası
Missuri çayının sağ sahilində yerləşir. Avtomobil yolları qovşağı, Sent-Luis–Kanzas-Siti dəmiryol xəttində stansiya Çay portu. Kolumbiya regional aeroportu (Cefferson-Sitidən şimalda).[1]
Tarixi
Əsası 1821-ci ildə ştatın inzibati mərkəzi kimi qoyulmuşdur. Tomas Ceffersonun şərəfinə adlandırılmışdır. 1839-cu ildən şəhərdir. 1830-cu illərdən burada Almaniyadan gəlmələr sürətlə məskunlaşmışlar. 1993-cü ildə baş vermiş daşqın nəticəsində güclü dağıntılara məruz qalmışdır.[1]
Memarlığı
Linkoln Universiteti [ 1866, əsası Amerika Birləşmiş Ştatlarında Vətəndaş müharibəsi (1861–65) veteranları – afroamerikalılar tərəfindən qoyulmuşdur], Missuri ştatı muzeyi (italyan renessansı üslubunda tikilmiş Kapitoli binasında, 1911–18), Missuri ştatının hərb tarixi muzeyi, Kristofer Mausun evi (1854) var. Hər il caz festivalı keçirilir (1994-cü ildən, sentyabrda).[1]
Sənayesi
Cefferson-Sitinin işləyən əhalisinin 60%-dən çoxu (təqribən 17 min nəfər; 2005) ştatın inzibati idarələrində, aqlomerasiyada işləyənlərin təqribən 10%-i sənayedə çalışır. Ayaqqabı, avtomobil detalları və ləvazimatları (oturacaq, radiator və s.), elektro-texnika avadanlığı və kosmetika istehsal edilir; poliqrafiya müəssisələri var. Kənd təsərrüfatı rayonunun ticarət-bölüşdürücü mərkəzidir (qarğıdalı, buğda, soya paxlası və s.).[1]
Qalereya
-
Caption1Cefferon-Siti 1860-cı illərdə -
Cefferson-Siti məhbusxanası -
Cefferon-Siti 1924-cü il paradı -
Harri Truman ofis binası -
Con Kristi bələdiyyə binası -
Missuri ştat kilsəsi -
Beynəlxalq Kosmos Stansiyasının çəkdiyi Cefferson-Sitinin kosmosdan görünüşü
.jpg)
Həmçinin bax
Xarici keçidlər
İstinadlar
- ↑ 1 2 3 4 5 6 Cefferson-Siti// Büssel – Çimli-podzol torpaqlar / baş red. M.K. Kərimov. — Azərbaycan Milli Ensiklopediyası. — Bakı: “Azərbaycan Milli Ensiklopediyası” Elmi Mərkəzi, 2014. — 25 cilddə. — V cild. — Səhifələrin sayı: 592. — Səh.: 211. — 25 000 nüsx. — ISBN 978-9952-441-10-9.