Konstantin Knijnikov
| Konstantin Knijnikov | |
|---|---|
| rus. Константин Львович Книжников | |
| Ümumi məlumatlar | |
| Doğum tarixi | |
| Doğum yeri | Staraya Kriuşa[ru], Boquçar qəzası[ru], Voronej quberniyası[ru], Rusiya İmperiyası |
| Vəfat tarixi | (69 yaşında) |
| Vəfat yeri | Bakı, Azərbaycan SSR, SSRİ |
| Musiqiçi məlumatları | |
| Fəaliyyəti | opera müğənnisi, musiqi pedaqoqu |
| Fəaliyyət illəri | 1912-ci ildən |
| Səs tembri | dramatik bariton |
| Mükafatları |
   |
Konstantin Lvoviç Knijnikov (rus. Константин Львович Книжников; 20 may 1883, Staraya Kriuşa[d], Voronej quberniyası[d] – 1 noyabr 1952, Bakı) — sovet opera müğənnisi (dramatik bariton), professor, Azərbaycan SSR xalq artisti (1940).
Həyatı
Konstantin Knijnikov 20 may 1883-cü ildə Voronej quberniyasının Staraya Kriuşa kəndində anadan olmuşdur.[1] Təhsilini Moskva Universitetində və Moskvada A. Şpigelin Teatr Studiyasında almışdır. Səhnə fəaliyyətinə 1912-ci ildə Sankt-Peterburqda başlamış, həmin ildən 1916-cı ilədək buradakı musiqili dram teatrının solisti olmuşdur. 1916–1929-cu illərdə SSRİ-nin müxtəlif teatrlarında fəaliyyət göstərmişdir.[2] 1929–1946-cı illərdə isə Azərbaycan Dövlət Akademik Opera və Balet Teatrının solisti olmuşdur.[3][4]
Konstantin Knijnikov səhnədə 1946-cı ilədək çıxış etmişdir. O, ömrünün sonunadək pedaqoji fəaliyyət göstərərək bir sıra elmi əsərlər yazmış və 1948-ci ildən Azərbaycan Dövlət Konservatoriyasının professoru olmuşdur.[5] Müğənni 1 noyabr 1952-ci ildə Bakıda vəfat etmişdir.[1]
İfa etdiyi əsas partiyalar
Dramatik bariton səsli Konstantin Knijnikov bir sıra operalarda müxtəlif partiyalar ifa edib:[6]
- Qryaznoy ("Çar gəlini", Nikolay Rimski-Korsakov)
- Boris Qodunov ("Boris Qodunov", Modest Musorqski)
- Amonasro, Yaqo, Riqoletto ("Aida", "Otello" və "Riqoletto", Cüzeppe Verdi)
- Həsən xan ("Koroğlu", Üzeyir Hacıbəyov)
- Telramun ("Leonqrin", Rixard Vaqner)
- Eskamilyo ("Karmen", Jorj Bize)
- Tomski və Yeletski ("Qaratoxmaq qadın", Pyotr Çaykovski)
- Troyekurov ("Dubrovski", Edvard Napravnik)
- Baş möbid ("Samson və Dalila", Şarl Kamil Sen Sans)
Təltif və mükafatları
- "Azərbaycan SSR xalq artisti" fəxri adı — 23 aprel 1940
- "Azərbaycan SSR əməkdar artisti" fəxri adı
- "Şərəf nişanı" ordeni
İstinadlar
- ↑ 1 2 Азәрбајҹан Совет Енсиклопедијасы: [10 ҹилддә]. V ҹилд: Италија—Куба. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1981. С. 425.
- ↑ Театральная энциклопедия: [в 6 т.] / гл. ред.: П. А. Марков. Т. 3. Кетчер — Нежданова. М.: Советская энциклопедия. 1964. стб. 87. 41 300 экз.
- ↑ Үзејир Һаҹыбәјов енсиклопедијасы. Бакы: «Азәрбајҹан» нәшријјаты. Елми-редаксија шурасынын сәдри: Н. С. Ибраһимов. 1996. сәһ. 100.
- ↑ Üzeyir Hacıbəyov ensiklopediyası. Bakı: Şərq-Qərb. 2007. səh. 120. ISBN 978-9952-34-075-4.
- ↑ Rəhimli, İ. Azərbaycan Teatr Tarixi (dərslik). Bakı: Çaşıoğlu. 2005. səh. 286–287.
- ↑ İlham Rəhimli. Azərbaycan Teatr Ensiklopediyası (3 cilddə). 2-ci cild. Bakı: Azərnəşr. 2017. səh. 182. ISBN 978-9952-8021-9-1.
Xarici keçidlər
- "Книжников, Константин Львович" (rus). Большая биографическая энциклопедия. 2021-06-16 tarixində arxivləşdirilib. İstifadə tarixi: 15 iyun 2021.
- "Книжников Константин Львович - Артист оперы, Вокальный педагог" (rus). Наш Баку. 2021-06-16 tarixində arxivləşdirilib. İstifadə tarixi: 15 iyun 2021.
- 20 mayda doğulanlar
- 1883-cü ildə doğulanlar
- 69 yaşında vəfat edənlər
- 1 noyabrda vəfat edənlər
- 1952-ci ildə vəfat edənlər
- Azərbaycan SSR xalq artistləri
- Azərbaycan SSR əməkdar artistləri
- "Şərəf nişanı" ordeni ilə təltif edilənlər
- Əlifba sırasına görə musiqiçilər
- Voronej quberniyasında doğulanlar
- Bakıda vəfat edənlər
- Azərbaycanın opera müğənniləri
- SSRİ-nin opera müğənniləri
- Bakı Musiqi Akademiyasının müəllimləri