Çəhəl Sütun Sarayı (Qəzvin)

Çəhəl Sütun (fars. چهل ستون‎ "qırx sütun") — XVI əsrdə I Şah Təhmasibin hakimiyyəti dövründə Qəzvində inşa olunan saray. Saray gözəl xəttatlıq nümunələri ilə bəzədildiyi üçün hazırda burada Xəttatlıq muzeyi fəaliyyət göstərir.^[3].

Çəhəl Sütun Sarayı
36°16′07″ şm. e. 50°00′14″ ş. u.HGYO
Ölkə	İran[1][2]
Şəhər	Qəzvin
Yerləşir	Qəzvin şəhristanı[1][2]
Aidiyyatı	Səfəvilər imperiyası
Sifarişçi	I Təhmasib
Tikilmə tarixi	XVI
Üslubu	Azərbaycan
Material	kərpic[2], ağac[2]
Vəziyyəti	Kalliqrafiya muzeyi kimi fəaliyyət göstərir
Çəhəl Sütun Sarayı
Vikianbarda əlaqəli mediafayllar

Saray şəhərin mərkəzində Azadi meydanı ilə üzbəüz yerləşir.^[4] Bu saray paytaxtı Qəzvinə köçürən ikinci səfəvi şahı Təhmasibin dövründə tikilib. Sarayın vaxtilə şiş uclu damı olduğuna görə papağa bənzəyirdi və bu saray insanlar arasında "firəng papağı" kimi də tanınır. Saray arkada ilə əhatələnib. Arkadaya hər tərəfdən portallar vasitəsilə daxil olmaq olar. Yuxarı mərtəbə qalereya ilə əhatələnib və dama 32 sidr ağacından düzəlmiş sütunlardan dayaq verilib. Deyilənə görə Təhmasib şah rəssamlıq və xəttatlıqla məşğul olurdu. O, bir çox əsərlər, o cümlədən Qəzvində Çəhəl Sütun sarayının eyvanında məişət səhnələrini təsvir edən şəkillər çəkmişdi.^[5] 1588-ci ildə Şah Abbasın tacqoyma mərasimi də bu sarayda baş tutub. Sonradan Qacarların hakimiyyəti dövründə saray yenidən təmir olunub. Hazırda sarayda Xəttatlıq muzeyi fəaliyyət göstərir.

• Çəhəl Sütun Sarayı
• Ali Qapı
• Həşt-Behişt

1. ↑ ^{1 2 3} Wiki Loves Monuments monuments database. 2017.
2. ↑ ^{1 2 3 4 5} https://iranarchpedia.ir/entry/13712.
3. ↑ Peter Kerber. İran. Berlin: TRESCHER; Auflage. 2017. səh. 184. ISBN 978-3897943964.
4. ↑ "Chehel Sutun (Qazvin)" (ing. ). 27 fevral 2019 tarixində arxivləşdirilib.
5. ↑ "Azərbaycan miniatür sənəti və onun məktəbləri". 2019-02-27 tarixində orijinalından arxivləşdirilib.