İbrahim Səfərov (dövlət xadimi)
Səfərov İbrahim Səfər oğlu (28 avqust 1913, Şamaxı qəzası – 21 noyabr 1998, Bakı) — Azərbaycanda meşəçilik elminin banilərindən biri, Azərbaycan Təbiəti Mühafizə Cəmiyyətinin sədri (1993), Azərbaycan Milli Elmlər Akademiyasının müxbir üzvü (1980), kənd təsərrüfatı üzrə elmlər doktoru (1962), professor (1969).[1]
| İbrahim Səfərov | |
|---|---|
.jpg) | |
.svg){kind=small} .svg){kind=small} | |
| 11 fevral 1953 – 26 mart 1953 | |
| Əvvəlki | Soltan Mirzəyev |
| 15 aprel 1952 – 11 fevral 1953 | |
| Sədr | Teymur Quliyev |
.svg){kind=small} | |
| 1945 – 1952 | |
| Şəxsi məlumatlar | |
| Doğum tarixi | 28 avqust 1913 |
| Doğum yeri | |
| Vəfat tarixi | 21 noyabr 1998 (85 yaşında) |
| Vəfat yeri | |
| Fəaliyyəti | professor |
| Elmi fəaliyyəti | |
| Elmi dərəcəsi | |
|
|
|
| Təltifləri |
      |
Həyatı
[redaktə | mənbəni redaktə et]İbrahim Səfərov 28 avqust 1913-cü ildə Şamaxı rayonunun Quşçu kəndində anadan olub. 1939-cu ildə Tiflis şəhərində Zaqafqaziya Meşə Təsərrüfatı İnstitutunu bitirib.[1]
Əmək fəaliyyəti
[redaktə | mənbəni redaktə et]İbrahim Səfərov 1939–1940-cı illərdə Azərbaycan Xalq Komissarlığının Baş meşə-sənaye idarəsinə baş mühəndis, 1940-1942-ci illərdə Bakı Kənd Təsərrüfatı Texnikumunun direktoru vəzifəsini icra edib.O, 1945-1952-ci illərdə Meşə Təsərrüfatı nazirinin birinci müavini, 1952-1953-cü illərdə isə Azərbaycan SSR Nazirlər Soveti sədrinin müavini və Respublika Sovxozlar naziri vəzifəsində çalışıb.[1]
İbrahim Səfərov 1953-1961-ci illərdə Azərbaycanın ən iri elmi-tədqiqat institutlarından biri olan Azərbaycan Elmi Tədqiqat Əkinçilik İnstitutunun rəhbərlik edib. Onun rəhbərliyi altında institutda əkinçiliklə yanaşı, tərəvəzçilik, yemçilik, mexanizasiya, genetika, seleksiya sahələrinə dair geniş tədqiqat işləri də aparılıb. O, 1961-1987-ci illərdə Azərbaycan SSR EA-nın Botanika İnstitutunda Meşəşünaslıq şöbəsinin müdiri olub.[1]
İbrahim Səfərov 1983-1985-ci illərdə Azərbaycan SSR EA Rəyasət Heyəti yanında Təbii Ehtiyatları Öyrənən Komitənin sədri, 1968-ci ildən Azərbaycan Təbiəti Mühafizə Cəmiyyətinin sədr müavini, 1993-cü ildən isə sədri vəzifəsini icra edib. O, 1987-ci ildən ömrünün sonuna kimi Botanika İnstitutunda müşavir vəzifəsində çalışıb.[1]
Hərbi xidmətdə
[redaktə | mənbəni redaktə et]İbrahim Səfərov 1942–1945-ci illərdə zabit rütbəsində İkinci dünya müharibəsində iştirak edərək, Bessarabiyanı azad edənlər sırasında olub.[1]
Elmi fəaliyyəti
[redaktə | mənbəni redaktə et]İbrahim Səfərov 1949-cu ildə "Dəmir ağacının bioekoloji xüsusiyyətləri və onun təsərrüfat əhəmiyyəti" mövzusunda namizədlik, 1962-ci ildə isə "Azərbaycanın 3-cü dövr qiymətli relikt ağac bitkiləri" mövzusunda doktorluq dissertasiyalarını müdafiə edib. 1969-cu ildə professor elmi adını alıb. 1980-ci ildə Azərbaycan Milli Elmlər Akademiyasının müxbir üzvü seçilib.[1]
Onun elmi işinin əsas istiqamətini meşəşünaslıq, biogeosenologiya, ekologiya, bitkilərin sistematikası, yaşıllaşdırma və s. təşkil edib. Alimin rəhbərliyi altında terras üsulu ilə eroziyaya uğramış sahələrdə püstə, badam və başqa qozmeyvəlilərin plantasiyası yaradılıb.[1]
Onun elmi axtarışlarının nəticəsi 200-dən çox elmi məqalə və o cümlədən 10 monoqrafiyada cəmləşib. O, Qafqazın "Qırmızı kitabı"nın tərtibçilərindən biridir. Alim elmi kadrların hazırlanmasına xüsusi diqqət yetirmişdir. Onun rəhbərliyi altında 25 fəlsəfə doktoru və 2 elmlər doktoru hazırlanıb.[1]
Əsərləri
[redaktə | mənbəni redaktə et]- Леса Кавказа. Владикавказ, 1991.
- Редкие деревья и кустарники лесов Азербайджана. Баку, Маариф, 1985
- Платан Восточный. Баку, Азернешр, 1981
- Субтропические леса Талыша. Баку, Элм, 1979
Vəfatı
[redaktə | mənbəni redaktə et]İbrahim Səfərov 21 noyabr 1998-ci ildə Bakıda vəfat edib.[1]
Mükafataları
[redaktə | mənbəni redaktə et]İbrahim Səfərovun elmi xidmətləri dövlət tərəfidən yüksək qiymətləndirilib. O, 1998-ci ildə Azərbaycan Respublikası Prezidenti Heydər Əliyevin fərmanına əsasən "Şöhrət" ordeni, SSRİ XTNS-in qızıl medalı (1956), Ümümittifaq "Bilik" Cəmiyyətinin qızıl medalı (1957), Beynəlxalq Təbiəti Mühafizə İttifaqının Fəxri Fərmanı ilə təltif edilib. 1964-cü ildə Respublikanın "Əməkdar meşəçisi" fəxri adına layiq görülüb, "Şərəf nişanı" ordeninə, 20-dən çox medala, Beynəlxalq, SSRİ və Azərbaycanın müxtəlif təşkilatlarının 20-dən çox fəxri fərmanlarına, SSRİ Xalq Təsərrüfatı Nailiyyətləri sərgisinin gümüş və bürünc medallarına sahib olub. 1993-cü ildə "Qafqazın meşə bitkilərinin rayonlaşdırılmasına görə" Ümumittifaq Elmi Tədqiqat Mexanika İnstitutunun diplomuna layiq görülüb.[1]