Şəlalə Şahvələdqızı

Şəlalə Şahvələd qızı Quliyeva (23 yanvar 1977, Mingəçevir) — Azərbaycan aktrisası, Azərbaycan Respublikasının əməkdar artisti (2012).

Şəlalə Şahvələdqızı
Şəlalə Şahvələd qızı Quliyeva
Digər adı	Şəlalə Quliyeva
Doğum tarixi	23 yanvar 1977 (47 yaş)
Doğum yeri	Mingəçevir, Azərbaycan SSR, SSRİ
Vətəndaşlığı	SSRİ→ Azərbaycan
Fəaliyyəti	aktrisa
Təhsili	Azərbaycan Dövlət Mədəniyyət və İncəsənət Universiteti
Teatr	Azərbaycan Dövlət Akademik Milli Dram Teatrı
Mükafatları	2012

Quliyeva Şəlalə Şahvələd qızı 23 yanvar 1977-ci ildə Mingəçevir şəhərində anadan olmuşdur. 1995-ci ildə Azərbaycan Dövlət İncəsənət və Mədəniyyət Universitetində dram-kino aktyor fakültəsinə daxil olmuşdur. Tələbə ikən sənət müəllimi, kursun rəhbəri Azər Paşa Nemətov nasir-dramaturq Elçinin "Ah, Paris…Paris!.." satirik komediyasınının Azərbaycan Akademik Milli Dram Teatrında tamaşasında rol almışdır. 1996-cı ildə Akademik Teatrın aktrisasıdır. Həmin ildən başlayaraq Şəlalə Şahvələdqızı yaşına və səhnə qabiliyyətinə uyğun rollar oynamağa başlayıb. 1999-cu ildə universitet təhsilini başa vurub. Həm dramatik, həm də komediya janrlı tamaşalarda müxtəlif rollar ifa etmişdir.

2004-cü ildə Gənclər, İdman və Turizm nazirliyi tərəfindən "İlin ən yaxşı aktrisası" nominasiyası üzrə mükafatlandırılıb.

2011-ci ildə Moskvada Beynalxalq teatr məktəbinin aktyor sənəti üzrə ali kursunun məzunudu.

9 may 2012-ci il tarixdə ona Azərbaycan Respublikasının Əməkdar Artisti fəxri adı verilmişdir. 1 may 2017-ci ildə^[1], 9 may 2018-ci ildə^[2], 10 may 2019-cu ildə^[3], 7 may 2021-ci ildə^[4], 10 may 2022-ci ildə^[5] və 6 may 2023-cü ildə^[6] Prezident Mükafatına layiq görülmüşdür.

Atası Şahvələd Quliyev Mingəçevir şəhərinin ilk qurucularındandır.

• Elçin "Ah, Paris… Paris" – Gülbəniz
• B.Vahabzadə "Özümüzü kəsən qılınc" – Mələk
• Elçin "Mənim sevimli dəlim" -Şəfqət bacısı
• V.Rozov "Şadlıq sorağında" – Fira
• Elçin "Mənim ərim dəlidir" – Qız
• N.Xəzri "Burla Xatun" – Banuçiçək
• Ç.Aytmatov "Sokratın anma gecəsi" – Qız
• H.Həsənov "Brüsseldən məktublar" – Pianoçu
• X.Qoca "Hərənin öz payı" – Partiyaçı; Jurnalist
• J.Rasin "Fedra" – İsmena
• B.Vahabzadə "Rəqabət" – Səbinə
• A.Kamyu "Anlaşılmazlıq" – Mariya
• İ.Şıxlı "Ölüləri qəbristanlıqda bastırın" – Qəndab
• A.Şaiq "Eloğlu" – Telli
• Ə.Əmirli "Mesenat"- Sürəyya
• Xanim "Tülkü-tülkü-tünbəki"-İlan
• Elçin "Teleskop"-Xanım
• M.F.Axundov "Sərqüzəşti-vəziri-xani Lənkaran"-Şölə
• Sagarelli "Xanuma"-Tekle
• V.Hüqo "Qadının məhəbbəti"-Qız
• Elçin "Şekspir"-Ər-arvad
• M.Friş "Don Juan"-Selestina
• C.Məmmədquluzadə "Anamın kitabı"-Gülbahar
• R.Kuni "Zorən şorqöz"-Pomella
• B.Nuşiç "Nazirin xanımı" — Dara
• Yev.Şvarts "Kölgə"- Yuliya Juli
• E.E. Şmitt" Müsyö İbrahim və Quran çiçəyi"-Bricit Bardo
• N.Qoqol "Müfəttiş"- Anna Andreyevna
• Y.Polyakov"Sinif yoldaşları" — Anna Falikova
• A.Tolstoy "Buratino"-Tülkü Alisa
• C. Zeynallı " Şükrüyyə" - Qadın müstəntiq
• Anar "Dantenin Yubileyi" - Səfurə

2. Dəvətnamə (film, 2003)
3. Yanmış körpülər (film, 2007)
4. Akademik Yusif Məmmədəliyev (film, 2005)
5. Bir dəfə Qafqazda (film, 2007)
6. Kuklalar (film, 2009)
7. Qayınana (serial, 2011) — Pərvin
8. Şəbəkə (film, 2011)
9. Qardaşdan yaxşısı yox idi (film, 2010) — Lətifə
10. Üç qız (film, 2005) — muzey bələdçisi
11. Sənə inanıram (serial) — Gülgəz
12. Səni ürəyim sevdi (serial) — Lalə
13. İstəməsən, götürməzsən (Mozalan N 197)
14. Vicdan haqqı (teleserial, 2016) — Zina
15. Qış nağılı
16. Qarabağ. İkinci film. " Canım mənim ". — Salatın Əsgərova
17. "Əqrəb mövsümü-2" - Şahnaz