Şibue Çusay

Şibue Çusay (渋江 抽斎?, 1805[1], Edo[d] – 1858[1] və ya 5 oktyabr 1858[2]) və ya əsl adı ilə Zenzen[3] – Yaponiya həkimi və filoloqu. Hirosaki hanından[a] olan Tsuqaru ailəsinin həkimi olmuşdur.[4]

Şibue Çusay
yap. 渋江抽斎
Doğum tarixi 1805[1]
Doğum yeri
Vəfat tarixi 1858[1] və ya 5 oktyabr 1858(1858-10-05)[2]
Vəfat səbəbi vəba

Həyatı

[redaktə | mənbəni redaktə et]

Çusay 1805-ci ildə Edo şəhərində doğulmuş və həyatının çoxunu bu şəhərdə keçirmişdir.[4] Atası Şibue İnsey də həkim idi.[3] Çusay 1844-cü ildə Tokuqava şoqunluğunun Çin tibbi üzrə məktəbinin – Seycukanın professoru təyin olunmuş, ölümünə qədər bu vəzifəni tutmuşdur.[4] Konfusiçi alim kimi Koşoqu məktəbinin əsas fiqurlarından biri olmuşdur.[4] İçino Meyan və Kariya Ekisay tərəfindən başladılmış filologiya araşdırmaları ənənəsini davam etdirmiş, Mori Kien ilə birlikdə klassik Çin mətnlərinin biblioqrafiyası olan "Keyseki hoko şi" əsərini yazmışdır.[4]

Tibb sahəsində isə Heyan dövrünün yenidən kəşf edilmiş tibb kitabı olan "İşimpo"nun nəşr olunmasından məsul olan heyətin üzvü olmuşdur.[4] O, xüsusilə, diaqnozlarına görə tanınmış, dövrünün ən yaxşı həkimlərindən biri hesab olunmuşdur.[3] Çin tibbinin klassikləri haqqında şərhlər yazmışdır.[4] Çusay və tibb müəllimi İsava Ranken 1916-cı ildə Mori Oqay tərəfindən yazılmış bioqrafiyadan sonra tanınmışdırlar.[4]

Qeydlər

[redaktə | mənbəni redaktə et]
  1. ↑ Müasir Aomori prefekturası.

İstinadlar

[redaktə | mənbəni redaktə et]
  1. ↑ 1 2 3 4 Chūsai Shibue // Faceted Application of Subject Terminology.
  2. ↑ 1 2 Find a Grave (ing.). 1996.
  3. ↑ 1 2 3 The Japan Biographical Encyclopedia & Who's Who
  4. ↑ 1 2 3 4 5 6 7 8 Kodansha Encyclopedia of Japan

Ədəbiyyat

[redaktə | mənbəni redaktə et]
  • The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1378. İstifadə tarixi: 31 yanvar 2023.
  • Kodansha Encyclopedia of Japan (ingiliscə). VII cild (Sake–Temm). Tokio: Kodansha. 1983. səh. 85. ISBN 0-87011-627-4. İstifadə tarixi: 31 yanvar 2023.