Əli Rəhimzadə

Əli Rəhimzadə (23 noyabr 1997^[1], Maşxan, Astara rayonu) — Azərbaycanı təmsil edən sərbəst güləşçi.^[2]

Əli Rəhimzadə
Əli Rəhimzadə 2021-ci il Dünya Çempionatında
Şəxsi məlumatlar
Tam adı	Əli Ceyhun oğlu Rəhimzadə
Vətəndaşlığı	Azərbaycan
Doğum tarixi	23 noyabr 1997(1997-11-23)[1] (26 yaş)
Doğum yeri	Maşxan, Astara rayonu, Azərbaycan
Boyu	170 sm. (5 ft 6 in)
İdman növü	Güləş
Karyera illəri	2008—
Məşqçisi	İlham Mustafayev
Komandası	Dinamo İdman Cəmiyyəti
Medallar Avropa Çempionatı Bürünc 2020 Roma 65 Kq. Bürünc 2021 Varşava 65 Kq. Bürünc 2024 Buxarest 65 Kq.

Əli Rəhimzadə 2016-cı ildə Belarusda A. Medvedin xatirəsinə həsr olunan beynəlxalq turnirdə 20-ci^[3], Rumıniyada gənclər arasında Avropa Çempionatında 10-cu^[4], Azərbaycan H. Əliyevin xatirəsinə həsr olunan Qızıl Qran-Pri beynəlxalq turnirində isə 5-ci pillələrin sahibi oldu.^[5]

2017-ci ildə Əli Rəhimzadə əvvəlcə Sombatxey şəhərində (Macarıstan) U23 Avropa Çempionatının bürünc^[6], sonra isə Dortmund şəhərində (Almaniya) gənclər arasında Dünya Çempionatının qızıl^[7] medallarına sahib olan Əli Rəhimzadə Finlandiyada gənclər arasında Dünya Çempionatını 10-cu^[8], Polşada U23 Dünya Çempionatını isə 12-ci pillədə başa vurdu.^[9]

2018-ci ildə Tbilisi şəhərində G. Kartozia — V. Balavadze Turnirində 18-ci pillənin^[10], İstanbul şəhərində Yaşar Doğu Turnirində gümüş medalın^[11], Saxa vilayətində D. Korin Turnirində isə 12-ci pillənin^[12] sahibi olan Əli Rəhimzadə noyabrda Rumıniyanın Buxarest şəhərində baş tutan U23 Dünya Çempionatının final görüşündə məğlub olaraq turniri gümüş medalla başa vurdu.^[13]

2019-cu ildə beynəlxalq turnirlərdə ciddi uğura imza ata bilməyən Əli Rəhimzadə Kirmanşah şəhərində Taxti Cup beynəlxalq turnirini 8-ci^[14], İstanbul şəhərində Yaşar Doğu Turnirini isə 5-ci pillədə başa vurdu.^[15]

Əli Rəhimzadə 2020-ci ilin yanvarında İstanbul şəhərində Yaşar Doğu Turnirinin qalibi oldu.^[16] Fevralda isə Əli Rəhimzadə Avropa Çempionatlarında debüt elədi. İtaliyanın Roma şəhərində baş tutan turnirin bürünc medal uğrunda görüşündə Macarıstan nümayəndəsi İsmayıl Musuğayeva qalib gəldi və Avropa Çempionatının bürünc medalına sahib oldu.^[17]

Daha sonra Əli Rəhimzadə 2021-ci ilin fevralda Kiyev şəhərində beynəlxalq turnirin qalibi oldu.^[18] Apreldə isə Əli Rəhimzadə Avropa Çempionatında mübarizə apardı. Polşanın Varşava şəhərində baş tutan turnirin bürünc medal uğrunda görüşündə Andrey Svirida qalib gəldi və Avropa Çempionatının bürünc medalına sahib oldu.^[19] İlin növbəti turnirlərində isə Əli Rəhimzadə ciddi uğurlara imza ata bilmədi — Rusiyada Ə. Əliyev Turnirinini^[20] və Norveçdə Dünya Çempionatını 16-cı pillədə başa vurdu.^[21]

2022-ci ildə Əli Rəhimzadə cəmi bir beynəlxalq turnirdə mübarizə apardı. İyunda Roma şəhərində (İtaliya) baş tutan Matteo Pellicone Turnirinin bürünc medalına sahib oldu.^[22]

2023-cü ildə Əli Rəhimzadə əvvəlcə fevralda Zaqreb şəhərində (Xorvatiya) baş tutan Zagreb Open beynəlxalq turnirinin bürünc medalına sahib oldu.^[23] Apreldə isə Avropa Çempionatında mübarizə aparan Əli Rəhimzadə turniri beşinci pillədə başa vurdu.^[24]

Sıra	İl	Yarış	Ev sahibi	Nəticə
1	2016	A. Medved Turniri	Belarus	20.
2		Gənclərin Avropa Çempionatı	Rumıniya	10.
3		Qızıl Qran-Pri	Azərbaycan	5.
4	2017	U23 Avropa Çempionatı	Macarıstan	3.
5		Gənclərin Avropa Çempionatı	Almaniya	1.
6		Gənclərin Dünya Çempionatı	Finlandiya	10.
7		U23 Dünya Çempionatı	Polşa	12.
8	2018	G. Kartozia — V. Balavadze Turniri	Gürcüstan	18.
9		Yaşar Doğu Turniri	Türkiyə	2.
10		D. Korin Turniri	Rusiya	12.
11		U23 Dünya Çempionatı	Rumıniya	2.
12	2019	Taxti Cup	İran	8.
13		Yaşar Doğu Turniri	Türkiyə	5.
14	2020	Yaşar Doğu Turniri	Türkiyə	1.
15		Avropa Çempionatı	İtaliya	3.
16	2021	Kiyev Turniri	Ukrayna	1.
17		Avropa Çempionatı	Polşa	3.
18		Ə. Əliyev Turniri	Rusiya	16.
19		Dünya Çempionatı	Norveç	16.
20	2022	Matteo Pellicone Turniri	İtaliya	3.
21	2023	Zagreb Open	Xorvatiya	3.
22		Avropa Çempionatı	Xorvatiya	5.