2019 UEFA Millətlər Liqası finalı

2019 UEFA Millətlər Liqası Finalları ilə səhv salmayın.


2019 UEFA Millətlər Liqası finalı — UEFA Millətlər Liqası turnirinin 2018–19-cu il mövsümünün final mərhələsinin son matçıdır. Bu final matçı UEFA-ya üzv ölkələrin kişilərdən ibarət yığma komandalarını əhatə edən beynəlxalq futbol turnirinin ilk final matçıdır.[5] Matç 9 iyun 2019-cu ildə Porto şəhərindəki Draqao stadionunda oynandı.

2019 UEFA Millətlər Liqası finalı
Turnir 2019 UEFA Millətlər Liqası Finalları
Portuqaliya Niderland
Portuqaliya Niderland
1 0
Tarix 9 iyun 2019
Yer Draqao stadionu, Porto
Matçın adamı Ruben Diaş[1]
Hakim Alberto Undiano Malenko (İspaniya)[2]
Tamaşaçı 43199[3]
Hava Qismən buludlu
16 °C (61 °F)
56% rütubət[4]
2021 →

Oyunda Portuqaliya Niderland millisinə 1–0 hesabıyla qalib gələrək turnirin ilk qalibi oldu.

Məkan[redaktə | mənbəni redaktə et]

Final Portuqaliyanın ikinci ən böyük şəhəri olan Portodakı Draqao stadionunda oynandı. Stadion həm də "Porto" klubunun doğma məkanıdır.[6]

Arxa plan[redaktə | mənbəni redaktə et]

Matçdan öncə FİFA Dünya Reytinqində Portuqaliya 7-ci, Niderland isə 16-cı yerdə dururdu.

Niderland A diviziyasının 1-ci, Portuqaliya isə 3-cü qrupunda mübarizə aparmışdı. 1-ci qrup turnirdəki ən çətin qrup hesab olunurdu. Bu qrupda Niderland son dünya çempionu Fransa millisini üstələyərək finallarda iştirak etmək hüququ qazandı.

Finala gedən yol[redaktə | mənbəni redaktə et]

Ətraflı bax: 2018-19 UEFA Millətlər Liqası, 2019 UEFA Millətlər Liqası Finalları

Qeyd: E–ev, S–səfər oyunu

Portuqaliya Mərhələ Niderland
Rəqiblər Nəticə Qrup mərhələsi Rəqiblər Nəticə
 İtaliya 1–0 (E) 1-ci matç  Fransa 1–2 (S)
 Polşa 3–2 (S) 2-ci matç  Almaniya 3–0 (E)
 İtaliya 0–0 (S) 3-cü matç  Fransa 2–0 (E)
 Polşa 1–1 (E) 4-cü matç  Almaniya 2–2 (S)
3. qrup birincisi
№ Komanda
[ ]
O Xal
1  Portuqaliya 4 8
2  İtaliya 4 5
3  Polşa 4 2
Mənbə: UEFA
 Yekun nəticələr 1. qrup birincisi
№ Komanda
[ ]
O Xal
1  Niderland 4 7
2  Fransa 4 7
3  Almaniya 4 2
Mənbə: UEFA
Rəqiblər Nəticə Millətlər Liqası Finalları Rəqiblər Nəticə
  İsveçrə 3–1 Yarı Final  İngiltərə 3–1 (ə.v)

Matç[redaktə | mənbəni redaktə et]

Matçın baş hakimi Alberto Undiano Mallenko oyunu idarə etdikdən sonra təqaüdə çıxıb

Hakimlər[redaktə | mənbəni redaktə et]

7 iyun 2019-cu ildə UEFA finalı idarə edəcək hakimlər briqadasının tərkibini açıqlayıb. Oyunu İspaniyalı hakimlər briqadası idarə edib. Matçın baş hakimi Alberto Undiano Malenko oldu. Ona idarəetmədə Roberto Alonso Fernandez və Xuan Yuste Ximenes kömək etdi. Dördüncü hakim rolunu isə Antonio Mateu Laos oynadı. Alexandro Xose Hernandez isə video köməkçi hakim vəzifəsini icra etdi.

Xülasə[redaktə | mənbəni redaktə et]

Matçın ilk hissəsi sürətli hücumlar və qol şanslarının sayı baxımdan kasad keçdi. Niderland topa sahib olmada üstün tərəf olsa da Portuqaliya millisinin müdafiəsinə yaxınlaşa və zərbə endirə bilmirdi.

Birinci hissədə Portuqaliyanın əsas vuran ayağı Bruno Fernandes idi. 12-ci dəqiqədə Bruno Fernandes uzaqdan qapını yoxlasa da top Silesenin üstünə gəldi. 18 dəqiqə sonra yenə Bruno Fernandes cərimə meydançası kənarından zərbə vurdu. Bu dəfəki zərbəsi daha effektiv idi, lakin qapıçı Silesen güclə də olsa topu dəf etdi. 38-ci dəqiqədə bir daha qapını yoxlayan Fernandesin zərbəsi qapının azca üstündən keçdi. Beləcə, ilk hissə qolsuz heç-heçəylə yekunlaşdı.

İkinci hissə də eyni ssenari üzrə irəllədi. 57-ci dəqiqədə Niderland millisi əks-hücuma çıxsa da hesabı aça bilmədi. 3 dəqiqə sonra portuqallar gözəl kombinasiya qurdular. Bernardo Silvanın mərkəzə doğru pasını Qonçalo Quedeş qolla tamamladı.

Qoldan sonra Niderlandlılar hücumlarının kəsərini artırdılar. 65-ci dəqiqədə başla vurulan zərbə Rui Patrisioda qaldı. 82-ci dəqiqədə van de Bek qol şansını dəyərləndirə bilmədi. Matçın qalan dəqiqələrində başqa qol olmadı və beləliklə Portuqaliya UEFA Millətlər Liqasının ilk qalibi oldu.

Detallar[redaktə | mənbəni redaktə et]

9 iyun 2019
19:45 (Qərbi Avropa yay vaxtı ilə)
 Portuqaliya 1 : 0
Hesabat		  Niderland
Quedeş Qol 60' Qollar
Draqao stadionu, Portu
Tamaşaçı: 43 199[3]
Hakim: İspaniya Alberto Undiano Malenko


Portuqaliya[4]
Niderland[4]
GK 1 Rui Patrisio
RB 20 Nelson Semedo
CB 4 Ruben Diaş
CB 6 Joze Fonte
LB 5 Rafael Gerreyro
CM 13 Danilo Pereyra
CM 14 Villiam Karvalyo 90+3-cü dəqiqədə əvəz olunub 90+3'
CM 16 Bruno Fernandes 81-ci dəqiqədə əvəz olunub 81'
RF 7 Kristiano Ronaldo (K)
CF 17 Qonçalo Quedeş 75-ci dəqiqədə əvəz olunub 75'
LF 10 Bernardo Silva
Əvəzetmələr:
MF 15 Rafa Silva 75-ci dəqiqədə əvəzetmədən daxil olub 75'
MF 8 Joao Moutinyo 81-ci dəqiqədə əvəzetmədən daxil olub 81'
MF 18 Ruben Neveş 90+3-cü dəqiqədə əvəzetmədən daxil olub 90+3'
Baş məşqçi:
Portuqaliya Fernando Santos
GK 1 Yasper Silesen
RB 22 Denzel Dumfrays Booked in the 88-ci minute 88'
CB 3 Matteys de Liqt
CB 4 Vircil van Dayk (K)
LB 17 Deyli Blind
CM 15 Marten de Ron 81-ci dəqiqədə əvəz olunub 81'
CM 21 Frenki de Yonq
CM 8 Jorjinyo Viynaldum
RW 7 Stiven Berxveyn 60-cı dəqiqədə əvəz olunub 60'
CF 10 Memfis Depay
LW 9 Rayn Babel 46-cı dəqiqədə əvəz olunub 46'
Əvəzetmələr:
FW 11 Kvinsi Promes 46-cı dəqiqədə əvəzetmədən daxil olub 46'
MF 20 Donni van de Bek 60-cı dəqiqədə əvəzetmədən daxil olub 60'
FW 19 Luk de Yong 81-ci dəqiqədə əvəzetmədən daxil olub 81'
Baş məşqçi:
Niderland Ronald Kuman

Matçın adamı:
Ruben Diaş (Portuqaliya)[1]

Köməkçi hakimlər:[2]

Roberto Alonso Fernandez (İspaniya)
Xuan Yuste Ximenes (İspaniya)

Dördüncü hakim:

Antonio Mateu Laos (İspaniya)

Beşinci hakim:

Raul Kabanero Martinez (İspaniya)
Video köməkçi hakim:
Alexandro Xose Hernandez İspaniya)

Statistika[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 Atkin, John. "Portugal 1–0 Netherlands: Nations League final at a glance". UEFA.com. Porto: Union of European Football Associations. 9 iyun 2019. 2019-06-17 tarixində arxivləşdirilib. İstifadə tarixi: 9 iyun 2019.
  2. ↑ 1 2 "Porto swansong for proud Undiano". UEFA.com. Union of European Football Associations. 7 iyun 2019. 2019-06-07 tarixində arxivləşdirilib. İstifadə tarixi: 9 iyun 2019.
  3. ↑ 1 2 "Full Time Report – Final – Portuqaliya v Nideland" (PDF). UEFA.com. Union of European Football Associations. 9 iyun 2019. 2019-07-15 tarixində arxivləşdirilib (PDF). İstifadə tarixi: 9 iyun 2019.
  4. ↑ 1 2 3 "Taktiki düzülüş – Final – Portuqaliya-Niderland" (PDF). UEFA.com. Union of European Football Associations. 9 iyun 2019. 2019-09-15 tarixində arxivləşdirilib (PDF). İstifadə tarixi: 9 iyun 2019.
  5. ↑ "UEFA Nations League receives associations' green light". UEFA.org. 27 mart 2014. 2017-01-29 tarixində arxivləşdirilib. İstifadə tarixi: 2019-08-23.
  6. ↑ "Porto şəhəri haqda". 2019-03-11 tarixində arxivləşdirilib. İstifadə tarixi: 2019-08-23.
  7. ↑ 1 2 3 "Matçın statistikası – Final – Portuqaliya-Niderland" (PDF). UEFA.com. Union of European Football Associations. 9 iyun 2019. 2019-07-30 tarixində arxivləşdirilib (PDF). İstifadə tarixi: 9 iyun 2019.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]