2018/2019 UEFA Millətlər Liqası – UEFA Millətlər Liqasının açılış mövsümüdür. UEFA-ya üzv olan federasiyaların 55 kişi milli futbol komandası arasında 2018-ci ilin sentyabr-noyabr aylarında, A diviziyasının 4 qrup qalibi arasında keçirilən final mərhələsi isə 2019-cu ilin 5-9 iyun tarixlərində Portuqaliyada oynandı.[1]
2018/2019 UEFA Millətlər Liqası
Yarış məlumatları
Tarix
Əsas mərhələ: 6 sentyabr – 20 noyabr 2018 Millətlər Liqası Finalları: 5–9 iyun 2019
UEFA Millətlər Liqasının format və matç reqlamenti 4 dekabr 2014-cü il tarixində təsdiqləndi. Buna görə 55 komanda 2017-ci il UEFA milli komandalar sıralamasına görə A diviziyasında 12 komanda, B diviziyasında 12 komanda, C diviziyasında 15 komanda və D diviziyasında 16 komanda olmaqla dörd diviyaya ayrılır.[2]
Hər diviziya öz içində üç-üç və ya dörd-dörd komandalardan ibarət 4 qrupa ayrılır. Hər qrupda komandalar dairəvi sistem üsulu ilə 4 və ya 6 oyun oynayacaqdır. Oyunlar hər matç həftəsində 2 oyun olmaqla 2018-ci ilin sentyabr, noyabr tarixlərində oynanacaq. Ən yuxarı diviziya olan A diviziyasının qrup birinciləri 2019-cu il 5-9 iyul tarixlərində UEFA Millətlər Liqası çempionu olmaq üçün final mərhələsində qarşılaşacaqdır. Final mərhələsi püşkdən sonra bəlli olacaq və 2 yarı final oyunu və son final matçından ibarət olacaq. Ev sahibi ölkə 4 yarı finalist komanda arasından 2018-ci ilin dekabr ayında müəyyənləşdiriləcək.
Bu turnirin maraqlı tərəflərindən biri də komandaların alt diviziyaya düşmə və üst diviziyaya qalxa bilməsidir. B, C, D diviziyasının komandaları bir üst diviziyaya yüksələ bilər. A, B, C diviziyasının komandaları isə bir alt diviziyaya enə bilər. Qruplardakı komanda sayının fərqliliyinə görə C diviziyasının ən pis mübarizə aparan qrup üçüncüsü də D diviziyasına enəcəkdir.
Qruplarda iki və ya daha çox komandanın xallarının bərabər olması halında sıra ilə aşağıdakı kriteriyalardan istifadə olunur:[2]
Komandaların öz aralarında oynadığı oyunlarda qazandıqları xal və ya xallar
Komandaların bir-biri ilə keçirdiyi oyunlar arasında top fərqi
Komandaların bir-biri ilə keçirdiyi oyunlarda vurulan qol sayı
Komandaların bir-biri ilə keçirdiyi oyunlarda atılan səfər qolları
1-4 nömrəli kriteriyaların işlədilməsinə rəğmən hələ də bərabərlik pozulmayıbsa,1-4 nömrəli kriteriyalar bir daha işlədilir,və hələ də bərabərlik varsa 6-10 nömrəli kriteriyalar istifadə edilir.
Qrupdakı qol fərqi
Qrupda vurulan qol sayı
Qrupda vurulan səfər qollarının sayı
Qrupdakı qələbə sayı
Qrupdakı səfər qələbəsi sayı
Fair-play xalı (sarı kart 1 xal, qırmızı kart 3 xal, sarı + qırmızı kart 4 xal)
Mənbə: UEFA Təsnifat qaydaları: Yalnız qrupdakı ilk iki komandayla oynanılan matçlar nəzərə alınır, 1) Xallar; 2) Qol fərqi; 3) Vurulan qollar; 4) Səfərdə vurulan qollar; 5) Qələbələr; 6) Səfər qələbələri; 7) Fair-play xalları; 8) UEFA milli komanda reytinq cədvəli. (R) Aşağı liqaya düşən komanda.
İlkin pul mükafatı məbləği 2018-ci ilin martında açıqlansa da, oktyabrda UEFA bu məbləğin dəyərini artırmağa qərar verdi. Belə ki, turnirdə iştirak edən 55 assosiasiyaya olduğu diviziyadan asılı olaraq pul mükafatı verilir:[9]
A diviziyası: 2,25 milyon €
B diviziyası: 1,5 milyon €
C diviziyası: 1,125 milyon €
D diviziyası: 750000 €
Bundan əlavə, hər qrupun qalibi iştirak etdiyi diviziyadan asılı olaraq daha bir pul mükafatı verilir:
A diviziyası: 2,25 milyon €
B diviziyası: 1,5 milyon €
C diviziyası: 1,125 milyon €
D diviziyası: 750000 €
Belə çıxır ki, A diviziyasında qrup qalibləri toplam 4,5 milyon, B diviziyasında 3 milyon, C diviziyasında 2,25 milyon, D diviziyasındakılar isə 1,5 milyon avronun sahibi olur.
Finallarda iştirak edən klublar üçün tutduqları yerlərə görə yenə pul verilir:
Çempion: 6 milyon €
İkinci yer: 4,5 milyon €
Üçüncü yer: 3,5 milyon €
Dördüncü yer: 2,5 milyon €
Yekunda turnirin qalibi olan komanda toplam 10,5 milyon avronun sahibi olur.