Asəf Mütəllimov

Asəf Rəhman oğlu Mütəllimov (2 aprel 1966, Neftçala rayonu – 1993, Mərzili) — "Azərbaycan Bayrağı" ordeni kavaleri^[1], Qarabağ müharibəsi şəhidi.^[2]

Asəf Mütəllimov
Şəxsi məlumatlar
Doğum tarixi	2 aprel 1966
Doğum yeri	Neftçala rayonu
Vəfat tarixi	1993
Vəfat yeri	Mərzili, Ağdam rayonu
Vəfat səbəbi	Şəhid
Vətəndaşlığı	SSRİ→ Azərbaycan
Milliyyəti	azərbaycanlı
Hərbi fəaliyyəti
Xidmət illəri	1992-1993
Rütbəsi	Gizir
Döyüşlər	Birinci Qarabağ müharibəsi
Təltifləri	2003

Asəf Mütəllimov 1966-cı il aprel ayının 2-də Neftçala rayonunda anadan olmuşdur.

Qarabağ döyüşləri zamanı könüllü olaraq Milli Ordu sıralarına qoşulmuş, Ağdərə, Tərtər, Ağdam ətrafında gedən döyüşlərdə xüsusi igidliklər göstərmişdir. PDM ekipajının mexaniki olaraq və onu digər iki döyüş yoldaşı Mərzili kəndi uğrunda gedən döyüşlərdə iştirak ediblər. Ermənistan Silahlı Qüvvələrinə məxsus 8 PDM-ni, 3 tankını ələ keçirib 30 canlı qüvvəsini məhv etmişdir.

Asəf Mütəllimov 1993-cü ildə Ağdam rayonun Mərzili kəndində gedən döyüşlərdə həlak olmuşdur. Pirətavan qəbristanlığında dəfn edilmişdir.

Onun və ekipajının "Abo" ləqəbli erməni terrorçusu Monte Melkonyanın maşınını atəşə tutması ilə bağlı versiya var. Nəticədə onun ekipajı tərəfindən terrorçu məhv edilmişdir. Bununla bağlı "258 nömrəli PDM-in ekipajı" sənədli film çəkilib.^[3]

• Ölümündən sonra Azərbaycan Bayrağı ordeni ilə təltif olunub.
• Ölümündən sonra "General Həzi Aslanov" medalı ilə təltif olunub.

Neftçala şəhərində küçələrdən biri adını daşıyır.^[4]

• 258 №-li piyada döyüş maşınının ekipajı (film, 2014)

• 258 N-li PDM-in ekipajı (YENİ VERSİYA)