Aysel Qəribli

Aysel Nizami qızı Qəribli — Azərbaycanlı alim, ən gənc Filologiya üzrə elmlər doktoru (33 yaş), dossent, Türkologiya jurnalının məsul katibi.[1] Azərbaycanda elmlər doktoru elmi dərəcəsini almaq üçün müdafiə edən ən gənc alim.

Aysel Qəribli
Aysel Nizami qızı Qəribli
Doğum tarixi (33 yaş)
Doğum yeri Qazax
Vətəndaşlığı Azərbaycan Azərbaycan
Milliyyəti azərbaycanlı
Elm sahəsi Türkologiya
Elmi dərəcəsi elmlər doktoru
Elmi adı Dosent
İş yerləri AMEA Nəsimi adına Dilçilik İnstitutunun “Nitq mədəniyyəti və monitorinq” şöbəsinin müdiri
Alma-mater Azərbaycan Dillər Universiteti
Təhsili Bakı Dövlət Universiteti
Elmi rəhbərləri Tofiq Hacıyev (elmlər doktoru, professor)
Möhsün Nağısoylu (akademik)

Həyatı[redaktə | mənbəni redaktə et]

Aysel Nizami qızı Qəribli 6 mart 1990-cı ildə Qazax şəhərində anadan olub. 2007-2012-ci illərdə Bakı Dövlət Universitetinin Filologiya fakültəsində bakalavr pilləsində təhsil alıb. 2011-ci ildə Azərbaycan Milli Elmlər Akademiyasının Nəsimi adına Dilçilik İnstitutunun Dialektologiya şöbəsində elmi fəaliyyətinə başlayıb, 2013-cü ildə Tətbiqi dilçilik şöbəsinə keçib. 2012-2014-cü illərdə Azərbaycan Dillər Universitetinin Filologiya fakültəsində magistr pilləsini oxuyub. 2013-cü ildə “Azərbaycan dili qloballaşan dünyada” adlı kitabı dərc olunub. 2014-2022-ci illərdə AMEA Nəsimi adına Dilçilik İnstitutunun Terminologiya şöbəsində çalışıb.

2015-cil ildə “Azərbaycan təriqət şeirinin leksikası” adlı kitabı nəşr edilib.

2017-ci ildə “XIX əsr təriqət şeirinin lüğət tərkibi” mövzusunda dissertasiya işini müdafiə edib və filologiya üzrə fəlsəfə doktoru elmi adını alıb.[2] 2017-ci ildə “Azərbaycan dili anlayışının tarixi” adlı kitabı işıq üzü görüb.

2017-ci ildə Azərbaycan Milli Elmlər Akademiyasının Humanitar elm sahəsi üzrə “Gənclər üçün Prezident mükafatına” namizəd kimi təqdim edilib. Nəsimi adına Dilçilik İnstitutunun seçilən gənc alimi olaraq 2017-ci ildə keçirilən Azərbaycan Gənc Alimlərinin I Qurultayının iştirakçısı olub.[3] Elmi fəaliyyətdə fərqləndiyinə görə Azərbaycan Milli Elmlər Akademiyasının Fəxri Fərmanı ilə təltif edilib. Bundan əlavə bir neçə dəfə elmi fəaliyyətindəki nailiyyətlərinə görə Fəxri Fərmanlarla təltif olunub.[4]

2018-ci ildə “Azərbaycan nitq mədəniyyəti” (həmmüəlliflərlə), “Türkologiya” (həmmüəlliflərlə), “Türk dili, türk ləhcələri və türk dilləri anlayışlarının genotipologiyası” adlı kitabları dərc edilib. Aysel Qəribli nəşr edilmiş bir sıra kitabların rəyçisidir. Respublikada və xaricdə nüfuzlu elmi jurnallarda 44 elmi məqaləsi nəşr olunub.[5][6][7][8]

2022-ci ildən AMEA Nəsimi adına Dilçilik İnstitutunun təsisçisi olduğu “Türkologiya” jurnalının məsul katibi vəzifəsində çalışır.[9]

2022-ci ildən AMEA Nəsimi adına Dilçilik İnstitutu “Nitq mədəniyyəti və monitorinq” şöbəsinin müdiri vəzifəsində çalışır.

2022-ci ildə "Türk dili və türk dilləri anlayışlarının formalaşması tarixinin elmi-metodoloji problemləri" mövzusunda elmlər doktorluğu elmi dərəcəsini müdafiə edib. 2023-cü il may ayının 3-də filologiya elmləri doktoru dərəcəsini alıb.

Əsərləri[redaktə | mənbəni redaktə et]

  • Aysel Qəribli. Azərbaycan dili qloballaşan dünyada. Bakı, AzAtaM, Elm və təhsil, 2013, 58 s.[10]
  • Aysel Qəribli. Azərbaycan təriqət şerinin leksikası. Bakı, AzAtaM, Elm və təhsil, 2015, 179 s. [11]
  • Aysel Qəribli. "Azərbaycan dili" anlayışının tarixi. Bakı: Elm və təhsil, 2017. 151 s.[12]
  • Aysel Qəribli (həm müəllif). Türkologiya. Bakı: [STV-Trans], 2018, 290 s.[13][14]
  • Aysel Qəribli (həm müəllif). Azərbaycan nitq mədəniyyəti. Bakı: Şərq-Qərb, 2018, 301 s.[15]
  • Aysel Qəribli. "Türk dili", "Türk ləhcələri" və "Türk dilləri" anlayışlarının genotipologiyası. Bakı: Elm və təhsil, 2018, 165 s.[16]

İstinadlar[redaktə | mənbəni redaktə et]

  1. ↑ "ANA SƏHİFƏ >> Dilçilik İnstitutunun fəlsəfə doktorları Qəribli Aysel Nizami qızı". 2023-02-08 tarixində arxivləşdirilib. İstifadə tarixi: 2023-02-08.
  2. ↑ "AYSEL NİZAMİ QIZI QƏRİBLİ XIX ƏSR AZƏRBAYCAN TƏRİQƏT ŞEİRİNİN LÜĞƏT TƏRKİBİ" (PDF). 2023-02-08 tarixində arxivləşdirilib (PDF). İstifadə tarixi: 2023-02-08.
  3. ↑ "AMEA NƏSİMİ ADINA DİLÇİLİK İNSTİTUTU GƏNC ALİM və MÜTƏXƏSSİSLƏR ŞURASININ HEYƏTİ". 2023-02-08 tarixində arxivləşdirilib. İstifadə tarixi: 2023-02-08.
  4. ↑ "AMEA-nın bir qrup gənc alimi mükafatlandırıldı". 2023-02-08 tarixində arxivləşdirilib. İstifadə tarixi: 2023-02-08.
  5. ↑ "Понятие «тюркские диалекты» в средние века The Concept "Turkic Dialects" in the middle Ages Author(s): Aysel Nizami Garibli". 2023-02-08 tarixində arxivləşdirilib. İstifadə tarixi: 2023-02-08.
  6. ↑ "International Mother Language Day has been celebrated in ANAS". 2023-02-08 tarixində arxivləşdirilib. İstifadə tarixi: 2023-02-08.
  7. ↑ "Path of Science: International Electronic Scientific Journal". 2023-02-08 tarixində arxivləşdirilib. İstifadə tarixi: 2023-02-08.
  8. ↑ "Modern Educational Technologies and National Interests". 2023-02-08 tarixində arxivləşdirilib. İstifadə tarixi: 2023-02-08.
  9. ↑ Redaktordan ISSN: 2313-5204
  10. ↑ [https://web.archive.org/web/20230208104849/http://ek.anl.az/lib/item?id=chamo:485064&theme=e-kataloq Arxivləşdirilib 2023-02-08 at the Wayback Machine Azərbaycan dili qloballaşan dünyada [Mətn] /A. Qəribli ; elmi red. Ə. Quliyev.]
  11. ↑ [https://web.archive.org/web/20230208110356/http://ek.anl.az/lib/item?id=chamo:485077&theme=e-kataloq Arxivləşdirilib 2023-02-08 at the Wayback Machine Azərbaycan təriqət şerinin leksikası [Mətn] /A. Qəribli ; elmi red. T. İ. Hacıyev ; red. D. Osmanlı.]
  12. ↑ [https://web.archive.org/web/20230208103348/http://ek.anl.az/lib/item?id=chamo:559010&theme=e-kataloq Arxivləşdirilib 2023-02-08 at the Wayback Machine "Azərbaycan dili" anlayışının tarixi [Mətn] /A. Qəribli ; elmi red. S. Sadıqova ; red. D. Osmanlı]
  13. ↑ [https://web.archive.org/web/20230208110358/http://ek.anl.az/lib/item?id=chamo:630357&theme=e-kataloq Arxivləşdirilib 2023-02-08 at the Wayback Machine Türkologiya [Mətn] : [elmi araşdırma] /N. Q. Cəfərov, A. Qəribli, E. Qəribli ; elmi red. M. Nağısoylu ; layıhə rəhbəri və red. D. Osmanlı ; "Türk Dünyası İnfo" İB ; [Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurası]]
  14. ↑ "Türkoloji düşüncənin elmi-mədəni, ideoloji rolu araşdırılıb". 2023-02-08 tarixində arxivləşdirilib. İstifadə tarixi: 2023-02-08.
  15. ↑ [https://web.archive.org/web/20230208170457/http://ek.anl.az/lib/item?id=chamo:687543&theme=e-kataloq Arxivləşdirilib 2023-02-08 at the Wayback Machine Azərbaycan nitq mədəniyyəti [Mətn] /N. Cəfərov, S. Mərdanova, A. Qəribli ; elmi red. N. Həsənzadə ; [ön söz Ə. Qarayev ; buraxılışa məsul S. İsmayılova] ; Azərb. Resp. Mədəniyyət Nazirliyi.]
  16. ↑ [https://web.archive.org/web/20221201054726/http://ek.anl.az/search/query?theme=e-kataloq Arxivləşdirilib 2022-12-01 at the Wayback Machine "Türk dili", "Türk ləhcələri" və "Türk dilləri" anlayışlarının genotipologiyası [Mətn] /A. Qəribli ; red. M. Nağısoylu.]