Ayxan Dəmirçi

Ayxan Dəmirçi — 1960-cı il, 2 dekabrda, Türkiyə Respublikasının İğdır bölgəsində anadan olmuşdur.

Ayxan Dəmirçi
Ayxan Dəmirçi Yunus oğlu
Doğum tarixi	2 dekabr 1960 (62 yaş)
Doğum yeri	İğdır, Türkiyə
Vətəndaşlığı	Belçika
Uşağı	Erhan Demirçi
Atası	Yunus Dəmirçi
Milliyyəti	azərbaycanlı
İxtisası	diaspora
Fəaliyyəti	diaspora ilə iş, diplomatiya
Fəaliyyət illəri	1982-ci ildən
Tanınır	diaspora diplomatiya
Mükafatları

Həyatı[redaktə | mənbəni redaktə et]

İğdırda anadan olan Ayxan Dəmirçi, 1977-ci ildə orta təhsilini başa vurmuşdur. 2,5 il Afyon şəkər zavodunda mühasibətçı məmur kimi işləmişdir. 1980-ci illərdə Belçikaya getmiş və orada evlənmişdir. Uzun müddət Belçikada fəaliyyət göstərən Ayxan Dəmirçi hal-hazırda təqaüddədir.

Diaspora fəaliyyəti[redaktə | mənbəni redaktə et]

Qarabağ atı abidəsi[redaktə | mənbəni redaktə et]

1982–1983-cü illərdən Belçikada olan Azərbaycan və Türkiyə təşkilatlarının fəal üzvü olmuşdur. Özü isə 1983-cü ildə ilk təşkilatını- Azərbaycan Kültür və Mədəniyyətini Tanıtma və Yaşatma Dərnəyini qurmuşdur. 2000-ci ildən bəri isə Azərbaycan-Belçika Dostluq Cəmiyyətinin sədridir.

Ayxan Dəmirçinin rəhbərliyi ilə 2017-ci il, 25 martda Belçikanın Ham şəhərində Qarabağ atı abidəsinin açılışı olmuşdur.^[1] Açılışda Azərbaycanın Belçikadakı səfiri Fuad İsgəndərov ilə yanaşı, Ham şəhərinin meri Dirk De Vis də iştirak etmişdir. Dirk De Vis çıxışında demişdir:^[1]

Müsəlman Şərqində ilk demokratik respublika quran millət ilə əlaqələrimiz bu gün pik nöqtədədir. Bu abidə də bunun göstəricisidir

Avropa Parlamentində "dəyirmi masa"[redaktə | mənbəni redaktə et]

Parisdə, 26 may, 2011-ci ildə Azərbaycanlıların və digər Türk Xalqlarının Əməkdaşlıq Mərkəzi Belçika-Azərbaycan Dostluq Cəmiyyəti ilə birgə və Avropa Parlamentinin nüfuzlu deputatlarından olan Böyük Britaniyalı Qraham Vatsonun himayəsi ilə mayın 25-də Avropa Parlamentində "Avropa İttifaqı-Azərbaycan münasibətləri: geosiyasi perspektivlər" mövzusunda "dəyirmi masa" keçirilmişdir. Tədbirdə Avropa Parlamentinin bir sıra üzvləri və katibliyin rəsmiləri, Brüsseldəki diplomatik korpusun təmsilçiləri və yerli ictimaiyyətin nümayəndələri iştirak etmişlər. Bu tədbirin təşkil olunmasında Ayxan Dəmirçi fəal şəkildə iştirak etmişdir.

Mükafatları[redaktə | mənbəni redaktə et]

Dünya Azərbaycanlılarının Həmrəylik Günü münasibətilə, xalqlar arasında dostluğun möhkəmləndirilməsi və Azərbaycan diasporunun inkişafı sahəsindəki xidmətlərinə görə Ayxan Dəmirçi "Tərəqqi" medalı ilə təltif edilmişdir.^[2]

Ailəsi[redaktə | mənbəni redaktə et]

1980-ci illərdə Belçikaya getmiş və orada evlənmişdir. Bu evlilikdən Ərxan Dəmirçi, Azər Dəmirçi və Tuqay Dəmirçi adında övladları dünyaya gəlmişdir. Oğlu Ərxan Dəmirçi tanınmış aktyordur.

Azərbaycanla əlaqələri[redaktə | mənbəni redaktə et]

Atası Yunus Dəmirçi və anası Kübra Dəmirçi əslən İrəvan şəhərinin Dəmirçi şəhərindəndirlər. Cənubi Qafqazın bolşeviklər tərəfindən işğalından sonra Türkiyəyə köçmüşlər. Bu kəndin adını da soyad kimi qəbul etmişlər.

Belçikaya getdikdən sonra Azərbaycanın tanıdılması ilə fəal məşğul olmuşdur. Buna görə də 2017-ci ildə, Azərbaycan prezidenti tərəfindən Tərəqqi medalı ilə mükafatlandırılmışdır.^[2]

İstinadlar[redaktə | mənbəni redaktə et]