Azərbaycan-Fransız Universiteti
Azərbaycan-Fransız Universiteti və ya qısaca UFAZ — Azərbaycan Prezidenti İlham Əliyevin və Fransa Prezidenti Fransua Ollandın təşəbbüsü ilə Azərbaycan Dövlət Neft və Sənaye Universitetinin (ADNSU) və Strasburq Universitetinin (Unistra) rəhbərliyi altında həyata keçirilən birgə layihədir.
| Azərbaycan-Fransız Universiteti UFAZ | |
|---|---|
 | |
 | |
| 40°22′35″ şm. e. 49°51′05″ ş. u.HGYO | |
| Əsası qoyulub | 2016 |
| Tip | Birgə proqram |
| Direktor | Vazeh Əsgərov |
| Tələbə sayı | 538 |
| Müəllim sayı | 70 |
| Şəhər | Bakı |
| Ölkə | |
| Ünvan | Nizami küçəsi, 183 |
| Sayt | ufaz.az |
 Vikianbarda əlaqəli mediafayllar | |
Yaradılması
[redaktə | mənbəni redaktə et]12 may 2014-cü ildə Fransa Prezidenti Fransua Ollandın Azərbaycana səfəri zamanı Fransa və Azərbaycan təhsil nazirləri arasında iki ölkə arasında elmi əlaqələrin gücləndirilməsi məqsədilə universitetlər arasında əməkdaşlığa dair niyyət memorandum imzalanmışdır.
İki ölkənin təhsil nazirlikləri arasında növbəti razılaşma 25 aprel 2015-ci ildə president Fransua Ollandın Azərbaycana növbəti səfəri zamanı imzalanmışdır.[1] Həmin il mayın 15-də əməkdaşlığa dair təklif Azərbaycan Prezidenti İlham Əliyevin 1242 saylı fərmanı ilə qəbul edilmiş, 9 iyun 2016-cı ildə isə Azərbaycan-Fransız Universitetinin (UFAZ) yaradılmasına sərəncam verilmişdir.[2]
15 sentyabr 2016-cı ildə Azərbaycan Respublikasının Təhsil Naziri Mikayıl Cabbarovun və Fransanın Azərbaycandakı Səfiri Aurelia Buşenin iştirakı ilə UFAZ-ın açılışı baş tutmuşdur. İlk tədrisi ili ADNSU-nun Azadlıq prospektində yerləşən əsas binasında baş tutmuşdur.
15 sentyabr 2017-ci ildə UFAZ-ın Nizami küçəsi, 183-də yerləşən yeni tədris binasının açılış mərasimi baş tutmuşdur. Bina 20-ci əsrin əvvəllərində inşa edilmiş və Təhsil Nazirliyinin qərarına əsasən restavrasiya edilmişdir.[3]
Tədris
[redaktə | mənbəni redaktə et]
Yalnız Dövlət İmtahan Mərkəzi (DİM) tərəfindən təşkil olunmuş 1-ci ixtisas qrupu üzrə imtahanlarda mümkün 700 baldan ən az 450 və daha çox bal toplamış abituriyentlər Strasburq Universiteti tərəfindən təşkil olunmuş və iyul ayının sonlarında keçirilən UFAZ-a qəbul imtahanında iştirak edə bilərlər.[4]
UFAZ-da tədris Strasburq Universitetinin və Renn-1 Universitetinin (Neft-qaz mühəndisliyi) tədris proqramı üzrə ingilis dilində aparılır.
Fransada bakalavr təhsili 3 il, Azərbaycanda isə 4 il davam etdiyinə görə UFAZ-da tədrisin ilk ili hazırlıq ili hesab olunur.[5] Universitetdə təhsil yüksək ixtisaslı fransız və azərbaycanlı müəllimlərindən ibarət beynəlxalq tədris heyəti tərəfinən aparılır.[6] UFAZ məzunları ADNSU-nun və tərəfdaş fransız universitetlərinin diplomlarını əldə edir.[7]
Hal-hazırda UFAZ-da 5 ixtisas tədris edilir:kimya, kimya mühəndisliyi,[8] geofizika mühəndisliyi,[9] kompüter elmləri[10] və neft-qaz mühəndisliyi.[11]
UFAZ tələbələrinin 80%-dən çoxu Azərbaycan hökumətinin maliyyə dəstəyi sayəsində ödənişsiz əsaslarla təhsil alır.
UFAZ 2024/2025 tədris ilində 3 istiqamət üzrə magistratura mərhələsi üzrə ixtisaslar təklif edəcək: Kimya mühəndisliyi / Fiziki kimya, Yer elmləri və Tətbiqi Kompüter Elmləri (Böyük verilənlər və süni intellekt),[12] Su Ehtiyatlarının İdarə Edilməsi.
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "Azərbaycan-Fransız Universitetinə dair Niyyət Məktubu imzalanıb". 2015-04-27 tarixində arxivləşdirilib. İstifadə tarixi: 2015-04-25.
- ↑ "Azərbaycan Respublikasının təhsil naziri ilə Fransa Respublikasının milli təhsil, ali təhsil və tədqiqat naziri arasında Azərbaycan-Fransız Universitetinə dair Niyyət Məktubunun təsdiq edilməsi haqqında" Arxivləşdirilib 2020-06-21 at the Wayback Machine Azərbaycan Respublikası Prezidentinin 22 may 2015-ci il tarixli, 1242 nömrəli Sərəncamı (az.)
- ↑ "Открылось новое здание Азербайджано-французского университета". oxu.az. 2017-09-17 tarixində arxivləşdirilib. İstifadə tarixi: 2020-04-04.
- ↑ "Admission for Bachelor's degree". ufaz.az (ingilis). 2018-09-04 tarixində orijinalından arxivləşdirilib. İstifadə tarixi: 2020-04-04.
- ↑ "Foundation Year Program". ufaz.az (ingilis). 2018-09-04 tarixində orijinalından arxivləşdirilib. İstifadə tarixi: 2020-04-04.
- ↑ "Core Faculty". ufaz.az (ingilis). 2020-08-19 tarixində orijinalından arxivləşdirilib. İstifadə tarixi: 2020-04-04.
- ↑ "Why UFAZ?". ufaz.az (ingilis). 2018-09-03 tarixində orijinalından arxivləşdirilib. İstifadə tarixi: 2020-04-04.
- ↑ "BSc. Of Chemical Engineering". ufaz.az (ingilis). 2018-09-03 tarixində orijinalından arxivləşdirilib. İstifadə tarixi: 2020-04-04.
- ↑ "BSc. Of Geosciences Engineering". ufaz.az (ingilis). 2018-09-03 tarixində orijinalından arxivləşdirilib. İstifadə tarixi: 2020-04-04.
- ↑ "BSc. Of Computer Science". ufaz.az (ingilis). 2018-09-03 tarixində orijinalından arxivləşdirilib. İstifadə tarixi: 2020-04-04.
- ↑ "BSc. Of Oil and Gas Engineering". ufaz.az (ingilis). 2018-09-03 tarixində orijinalından arxivləşdirilib. İstifadə tarixi: 2020-04-04.
- ↑ "Admission for Master's degrees". ufaz.az (ingilis). 2020-06-07 tarixində orijinalından arxivləşdirilib. İstifadə tarixi: 2020-04-04.