Battle Angel Alita: Holy Night and Other Stories
Battle Angel Alita: Holy Night and Other Stories (azərb. Döyüş mələyi Alita: Müqəddəs gecə və digər hekayələr) və ya Yaponiyada tanınan adı ilə Gunnm Gaiden (銃夢外伝?, azərb. Silah yuxusu qaydeni) – Yukito Kişiro tərəfindən yazılmış və çəkilmiş manqa. "Battle Angel Alita" manqa seriyası üçün qayden xarakteri daşıyır.
| Battle Angel Alita: Holy Night and Other Stories | |
 Cildin üzlüyü. Personaj: Koyomi. | |
| 銃夢外伝 (Ganmu Gaiden) azərb. Döyüş mələyi Alita: Müqəddəs gecə və digər hekayələr | |
|---|---|
| Janr | kiberpank, postapokaliptika, macəra |
| Manqa | |
| Manqaka | Yukito Kişiro |
| Nəşriyyat | Shueisha |
| Jurnal | "Ultra Jump" |
| Demoqrafiya | seynen |
| Nəşr tarixi | 24 yanvar 1997 – 19 dekabr 2006 |
| Cildlər | 1 (cild siyahısı) |
| Fəsil sayı | 7 |
Məzmun
[redaktə | mənbəni redaktə et]Manqa 4 qısa hekayədən ibarətdir: "Müqəddəs gecə", "Supersonik barmaqlar", "Evə qayıdış" və "Barjack rapsodiyası". Hadisələr "Battle Angel Alita" ilə "Battle Angel Alita: Last Order" manqaları arasında zaman dilində baş verir. Qaydendəki bəzi personajlar orijinal manqada görünməmişdir.
"Müqəddəs gecə" hekayəsi s.d. 571-ci ildə baş verir. Tiferesdən atılan Daysuke İdo sirli gənc qadını xilas edir. Ən uzun olan hekayədir.
"Supersonik barmaqlar" hekayəsi s.d. 579-cu ildə baş verir.[a] Coşuqan ilə qarşılaşmasından və motorboldan ayrılmasından sonra Alita müəmmalı birinin hücumuna məruz qalır. Alita bir neçə ovçu-döyüşçünün köməyi ilə onu məğlub etmək üçün plan qurur.
"Evə qayıdış" hekayəsi s.d. 386-cı ildə Alitanın TUNED casusu olduğu dövrdə baş verir. Alitanın çıxdığı bir missiyadan bəhs edilir. Ən qısa və ən az dialoq olan hekayədir.
"Barjack rapsodiyası" hekayəsi s.d. 591-ci ildə baş verir. Vektor Tiferes qülləsini tikmək üçün Kaosa dəstək olandan sonra Koyomi dirilən Denin izlərini araşdırmağa başlayır.[1]
Buraxılış
[redaktə | mənbəni redaktə et]Manqa 24 yanvar 1997-ci ildən 19 dekabr 2006-cı ilə kimi Shueisha nəşriyyatının "Ultra Jump" jurnalında yayımlanmışdır. 19 dekabr 2007-ci ildə 7 fəsil olmaqla tək cildi buraxılmışdır. Cildin məhdud nəşrinə Alitanın fiquru daxil edilmişdir. ABŞ-də Kodansha USA tərəfindən lisenziyalaşdırılmışdır və tək cildi 9 oktyabr 2018-ci ildə ABŞ-də buraxılacaqdır.[2]
Manqa Fransada Glenat,[3] Almaniyada Carlsen, Tayvanda Tong Li Publishing, İspaniyada Planeta DeAgostini tərəfindən nəşr olunmuşdur.
Qeydlər
[redaktə | mənbəni redaktə et]- ↑ Sputnik dövrü "Battle Angel Alita" kainatında istifadə olunan uydurma təqvimdir. Başlanğıcını 1957-ci ildən götürür.
İstinadlar
[redaktə | mənbəni redaktə et]- ↑ Gunnm: Another Stories - Gunnm LO History timeline
- ↑ "Battle Angel Alita: Holy Night and Other Stories". Penguin Random House. June 10, 2021 tarixində arxivləşdirilib. İstifadə tarixi: Jun 23, 2018.
- ↑ "Gunnm Other Stories - Édition originale". Glenat (fransız). 2018-08-20 tarixində orijinalından arxivləşdirilib. İstifadə tarixi: 17 avqust 2018.
Xarici keçidlər
[redaktə | mənbəni redaktə et]- Battle Angel Alita: Holy Night and Other Stories (manqa) Anime News Network Ensiklopediyasında
