Bayraq dirəyi

Flaqştok və ya bayraq dirəyi — bayrağın (flaqın) bərkidilməsi, qaldırılması üçün metal, taxta və ya plastikdən hazırlanmış şaquli dayaqdır.

Bəzən bayrağın daha rahat qaldırılması üçün Flaqştok xüsusi mexanizm ilə təchiz edilir. O halda bayraq ipə birləşdirilir və həmin mexanizmi hərəkətə gətirməklə flaqştokun başına - ən hündür nöqtəsinə qaldırılır.

Rekord hündürlük

23 sentyabr 2014-cü il tarixindən dünyada ən hündür flaqştok Səudiyyə Ərəbistanında, Ciddə şəhərində olan bayraq dirəyi sayılır ^[1]. Bu dirəyin hündürlüyü 171 m-dir (561 fut). Həmin flaqştok Ginnes rekordlar kitabına qeyd edilib.^[2].

Hündürlüyünə görə 2-ci yer - Tacikistanın Düşənbə şəhərində qurulmuş, hündürlüyü 165 м (və ya 541 fut) olan flaqştoka məxsusdur ^[3] . Həmin flaqştokun inşası 2010-cu ildə Tacikistan milli bayraq gününü qeyd etdiyi gün - 24 noyabrda başlayıb, rəsmi açılışı 2011-ci ildə 30 avqustda olub və Tacikistan Respublikasının müstəqilliyinin 20-illiyinə (9 sentyabrda qeyd olunan) həsr olunub.

Həmin tarixə qədər dünyanın rekordçu flaqştoku Azərbaycanda Bakı şəhərində olan flaqştok sayılıb ^[4]. Hazırda öz hündürlüyünə (162 м, və ya 532 fut) görə dünyada 3-cü yeri tutan bu flaqştok 2010-cu ildə tikilib hazır olmuşdur . 1 sentyabr 2010-cu ildə Bakı buxtasının cənub-şərqində Bayraq meydanının açılışı oldu. Meydan üçün seçilmiş yer Dövlət bayrağını şəhərin hər yerindən görməyə imkan verir.

Azərbaycanın Dövlət bayrağı hələ 9 noyabr 1918-ci ildə Azərbaycan Demokratik Respublikası - ADR hökuməti (1918-1920-ci illər) tərəfindən qəbul edilmişdi (1991-ci ildən yenidən müstəqil Azərbaycanın dövlət bayrağıdır), həmin tarixi hadisədən 90 il sonra ölkədə 9 noyabr - Dövlət Bayrağı günü elan edildi.

2010-cu ilə qədər isə dünyanın ən hündür flaqştoku Türkmənistanın Baş Bayrağı olub (hündürlüyü 133 m).^[5].

Hazırda öz hündürlüyünə gğrə dünyada 4-cü yeri Şimali Koreyada Kicn-don kəndində olan flaqştok (hündürlüyü 160 m, 520 fut) tutur. Bu flaqştok əslində başəna bayraq taxılmış radioqüllədir. Rusiyada Bir neçə Flaqştok vardır ki, onlardan ən yüksəyi Ostankino teleqülləsidir.

Birləşmiş Krallıqda olan ən yüksək bayraq dirəyi 1959-cu ildən 2013-cü ilədək en:Kew Gardensdə olub, həmin bayraq dirəyi Kanadanın Douglas-fir ağacından hazırlanmış və hündürlüyü 68.5 m (225 fut) olmuşdur ^[6]. Hazırda Amerika Birləşmiş Ştatlarında ən yüksəkdə olan bayraq 400 fut (120 m) hündürlüyə malik flaqştokun başında yellənir. Bu flaqştok 2014-cü ildə hazırlanıb, Viskonsiya ştatında Şeboyqan şəhərində yerləşir. Bu flaqştok yüngül küləkli havada 220 funt ağırlığında, güclü külək şəraitində isə 350 funt ağırlığında bayrağı yellədə bilir ^[7].

Dünyanın ən hündür-rekordçu flaqştokları Trident Support (ABŞ) kompaniyası tərəfindən quraşdırılıb. Düşənbə (Tacikistan) şəhərində qurulmuş 541 fut hündürlüyündə flaqştok, Bakı (Azərbaycan) şəhərində olan flaqştok - hündürlüyü 532 fut; Aşqabad (Türkmənistan) - 436 fut; Aqaba (İordaniya) - 433 fut; Amman (İordaniya) - 417 fut; və Əbu-Dabi (BƏƏ) - 404 fut flaqştokları Trident Support kompaniyasının məhsuludur ^[8]. Afrikada (Anqola və Cənubi Afrika) və Hindistanda olan ən yüksək bayraq dirəkləri də Trident şirkəti tərəfindən quraşdırılıb.

Adı / Yeri	Şəhər	Ölkə	Hündürlük (m)	İl	Bayrağın sahəsi (m²)	Bayrağın eni (m)	Bayrağın uzunluğu (m)	Bayrağın çəkisi (kq)
İki ibadətgahın keşikçisi Meydanı	Ciddə	Səudiyyə Ərabistanı	170	2014^[2]	1633,5	33	49,5	570^[9]
Dövlət Bayraq Meydanı	Düşənbə	Tacikistan	165	2011^[10]^[11]	1800	30	60	420
Dövlət Bayraq Meydanı	Bakı	Azərbaycan	162	2010	2450	35	70	350^[12]^[13]^[14]
	Kicn-don	Koreya Xalq-Demokratik Respublikası	160	1980-е				270
Türkmənistanın əsas bayrağı	Aşqabad	Türkmənistan	133^[12]	2008	1837,5	35	52,5	420^[15]
Aqaba Flaqştoku	Aqaba	İordaniya	130	2004	1800	30	60
Pahadan	Əmman	İordaniya	126,8	2003	1800	30	60
	Əbu-Dabi	BƏƏ	122	2001^[16]	800	20	40
Dövlət Simvolları Meydanı	Astana	Qazaxıstan	111^[17]	2009^[18]	450	15	30
Türkmənistanın Dövlət Bayrağı	Avaza	Türkmənistan	100	2013^[19]	600	20	30
	Daeseong-dong	Cənubi Koreya	98,4	1980-е^[20]				130
Mərdəka	Kuala-Lumpur	Malayziya	95	1989^[21]
Qırğızıstanın Dğvlət Bayrağı	Boz-Boltok dağı	Qırğızıstan	75	2012	337,5	15	22,5	50
Dövlət Bayraq Meydanı Belarus	Minsk	Belarus	70	2013^[22]	98	7	14	25
Pardauqava Damba Latviya	Riqa	Latviya	60	2017^[23]	~128	~8	~16
Volqoqrad Mərkəzi Sahil	Volqoqrad	Rusiya	50 ^[24]	2017^[25]
Oktyabrın 60 illiyi meydanında Park, Bolşaya Qluşisa kəndi, Samara	Bolşaya Qluşisa kəndi, Samara vilayəti	Rusiya	35^[26]^[27]^[28]	2017^[29]	30	3	10