Braziliya—Ermənistan münasibətləri — Braziliya və Ermənistan arasında iki tərəfli diplomatik münasibətlər. Braziliyada təqribən 100 000 erməni əsilli vətəndaş yaşayır. Bu göstəriciyə görə Braziliya Latın Amerikası ölkələri arasında yalnız argentinadan geri qalır[1].
Braziliya—Ermənistan münasibətləri | |||||
---|---|---|---|---|---|
![]() | |||||
|
|||||
![]() |
XIX əsrin sonunda ilk erməni miqrantları Braziliyaya gəlir. 1920-ci illərdə bir neçə min insanın (əsasən Livan və Suriyadan) Braziliyaya köçməsi müşahidə olunur. Gələn ermənilərin əksəriyyəti San-Pauluda cəmləşirlər. 1975-ci ildə bunun nəticəsi olarq San-Paulo şəhərindəki metro stansiyalarından birinə Ermənistanın adı verilir[2]. 26 dekabr 1991-ci ildə Sovet İttifaqının dağılmasından sonra Ermənistan müstəqilliyini bərpa edir.
1991-ci ilin dekabrında Ermənistan Xarici İşlər Naziri Raffi Hovanisyan ölkələr arasında diplomatik əlaqələrin qurulmasını müzakirə etmək üçün Braziliyaya səfər edir[3]. 17 fevral 1992-ci ildə Ermənistan və Braziliya arasında rəsmi olaraq diplomatik əlaqələr qurulur. 1992-ci ilin iyununda Ermənistan Prezidenti Levon Ter-Petrosyan Braziliyaya rəsmi səfər edir[3]. 1998-ci ildə Ermənistan San Pauloda baş konsulluğunu açır. 2006-cı ildə Braziliya İrəvanda səfirliyini açır. 2011-ci ildə Ermənistan Brasiliyada bir səfirlik açır və bundan sonra San Paulodakı baş konsulluq fəxri konsulluğa çevrilir. 2015-ci ildə Braziliya Federal Senatı Qondarma Erməni Soyqırımını tanıyır[4].
Ölkələr arasında bir sıra ikitərəfli müqavilələr imzalanmışdır: Mədəni Əməkdaşlıq Sazişi (2002) və Diplomatik və xidməti pasport sahibləri üçün vizasız rejimin tətbiqi haqqında Saziş (2002)[3].
Ermənistandan Braziliyaya edilən dövlət ziyarətləri:
Prezident Levon Ter-Petrosyan (1992);
Prezident Robert Köçəryan (2002);
Prezident Serj Sarkisyan (2016).
Ermənistannın Braziliyada səfirliyini və baş konsulluğu vardır[5].
Braziliyanın İrəvanda səfirliyi mövcuddur[6].
ArmenianDiaspora.com saytının məlumatına görə 2009-cu ildə Braziliyada ümumi erməni əhalisi 40.000 nəfər olmuşdur. Erməni mühacirlər əsasən San Pauloda və onun ətrafında yerləşmişlər. Şəhərdə kilsələr, mədəniyyət mərkəzləri və hətta "Ermənistan" adlı bir metro stansiyası var. Erməni icması ümumilikdə bütün ölkədə olmasa da, şəhərdə güclü bir mövqe tutur.