Camek məscidi

Camek məscidi (malay Masjid Jamek) — Malayziyanın paytaxtı Kuala-Lumpurda yerləşən tarixi məscidlərdən biri. Məscid Klanq və Qombak çaylarının birləşdiyi yerdə yerləşir. Məscidin memarı Artur Benison Habbekdir.^[1]

İslam
Camek məscidi
malay Masjid Jamek
Yerləşməsi
Ölkə	Malayziya
Şəhər	Kuala-Lumpur
Memarlıq
Memarı	Artur Benison Habbek
Üslubu	İslam memarlığı Moğol memarlığı Mavritan memarlığı
Minarələrin sayı	2
Minarələrin hündürlüyü	26.8 metr
Günbəzlərin sayı	3
Vəziyyəti	fəaliyyət göstərir
Camek məscidi
Vikianbarda əlaqəli mediafayllar

Məscidin tikintisi 1907-ci ildə başa çatıb. Lakin inşaat işlərinin başa çatmasından iki il sonra 1909-cu ilin 23 dekabrında məscidin rəsmi açılışı olub.^[2] Selenqor sultanı Sultan Ələddin Süleyman Şah rəsmi açılış mərasimində iştirak edib. Məscid şəhərdə birinci Malay məzarlığının yerində inşa edilib. Malayziyanın milli məscidi olan Neqara məscidinin 1965-ci ildə açılış mərasiminə kimi Camek məscidi ölkənin əsas məscidi hesab edilirdi.^[3]

Məscidin memarlığı Mavritan, İslam, Moğol memarlıq üslublarının qarışığıdır. İbadət zalının ətrafinda ümumilikdə üç günbəz var. Mərkəzi günbəz ən hündür günbəzdir və hündürlüyü 21.3 metrdir. Mərkəzdəki ən hündür günbəz 1990-cı illiərdə dağılmasına baxmayaraq, sonra yenidən bərpa olunub. Məscidin künclərində iki qırmızı və ağ zolaqlı minarələr yerləşir. Başları çətirə oxşayan bu minarələrin hündürlüyü 26.8 metr təşkil edir.^[4]