Daimler

Daimler AG (alm. Daimler AG‎) — Almaniya konserni; minik avtomobillərinin, keçid qabiliyyəti yüksək olan minik və yük-sərnişin avtomobillərinin, həmçinin avtobuslar da daxil olmaqla kommersiya avtomobillərinin dünyada aparıcı istehsalçılarından biri.[3]

Daimler AG
Loqonun şəkli
Ümumi məlumatlar
Sənaye avtomobil sənayesi[1]
Məhsulları avtomobil, Furqon
Təsis tarixi 17 noyabr 1998
Baş qərargahın yeri
İqtisadi göstəriciləri
Ümumi kapital
  • 91.773.000.000 € (31 dekabr 2023)[2]
Ümumi aktivlər
  • 263.022.000.000 € (31 dekabr 2023)[2]
Ümumi gəliri
  • 153.218.000.000 € (31 dekabr 2023)[2]
Xalis mənfəəti
  • 14.261.000.000 € (31 dekabr 2023)[2]
Əməliyyat mənfəəti
  • 17.423.000.000 € (31 dekabr 2023)[2]
Struktur
İşçi sayı
  • 168.336 nəf. (31 dekabr 2023)[2]
Tərəfdaşlar Chrysler[1], Mercedes-Benz[d], Daimler Trucks[d]
Rəhbərlik
İdarə heyəti Martin Daum[d], Britta Seeger[d]
group.mercedes-benz.com
Vikianbarın loqosu Vikianbarda əlaqəli mediafayllar

Tarixi

[redaktə | mənbəni redaktə et]

Mənzil qərargahı Ştutqartda (Almaniya) yerləşir. Konsern indiki adını 2007-ci ilin oktyabrından daşıyır. Konsernin tarixi 1886-cı ildən, Q. Daymler və K. Bens bir-birindən asılı olmayaraq daxili yanacaq mühərriki ilə işləyən ilk nəqliyyat vasitələrini ixtira etdikləri vaxtdan başlanmışdır. Bu ixtiralar "Benz & Cie AG" (1883) və "Daimler Motoren Gesellschaft" ("DMG"; 1890) iki avtomobil şirkətinin yaranmasına səbəb olmuşdur.[3]

1926-cı ildə "DMG" və "Benz & Cie AG" birləşərək "Daimler-Benz AG" konserninə çevrilmişdir. Onun loqotipi üç sferada – yerdə, göydə və dənizdə motorlaşdırılma rəmzi hesab edilən üç -şüalı ulduz şəklində olmuşdur. "Chrysler Corpo ration"u 1925-ci ilin iyununda U. P. Kraysler yaratmışdır. 1930-cu illərdə şirkət avtomobil istehsalı həcminə görə yalnız "Ceneral Motors" konsernindən ge ri qalırdı. 1928-ci ildə şirkət "Dodge" firmasını əldə edərək dünya avtomobil bazarında mövqeyini möhkəmlətmiş, minik və yük avtomobillərinin ardınca hərbi texnika istehsalına da başlamışdı. 1983-cü il də avtomobil sənayesində yeni konsepsiya ilə çıxış edən şirkət "Kraysler Voyacer" ilk mini-veni bazara çıxarmışdır. 1987-ci ildə "Chrysler Corporation"un strukturuna "Jeep" şirkəti daxil olmuşdur. 1998-ci ilin noyabrında "Daimler-Benz AG" və "Chrysler Corporation"un birləşməsi nəticəsində "Daimler-Chrysler AG" korporasiyası yaranmışdır.[3]

Korporativ fəaliyyət

[redaktə | mənbəni redaktə et]
Daymler şirkətinin gerbi

Bir neçə bölmədən ibarət korporasiyanın "Mercedes Car Group" qrupu "Maybax", "Mersedes-Bens" və "Smart" markalı avtomobillər; "Chrysler" qrupu "Kraysler", "Jip" və "Dodj" markalı minik avtomobilləri, mikroavtobuslar və keçid qabiliyyəti yüksək olan avtomobillər, kommersiya avtomobillər qrupu "Mer sedes-Bens" və "Setra" markalı avtobuslar, həmçinin "Mersedes-Bens", "Freytlayner", "Sterlinq", "Vestern Star", "Amerikan LaFrans" və "Mitsubisi Fuzo" markalı yükdaşıyan, aztonnajlı avtomobillər və minivenlər istehsal edir.[3]

"Daimler Chrysler Financial Group" bölməsi lizinq və sığorta da daxil olmaqla maliyyə xidmətləri göstərir. "Daymler AG" həmçinin aviasiya və müdafiə texnologiyaları üzrə dünya bazarında lider olan "European Aeronautic Defence and Space Company" ("EADS") şirkətinin səhmlər paketinin 30%-inə malikdir. "DaimlerChrysler AG" 2007-ci ilin oktyabrında "Daimler AG" adlandırılmışdır. Konsernin avtomobilyığma müəssisələ- ri dünyanın 17 ölkəsində yerləşir. Strukturun bütün bölmələrində işçilərin ümumi sayı 272,3 min nəfərdən çoxdur, bazarda kapitallaşması təqribən 67,4 mlrd. avrodur (2007).[3]

Xarici keçidlər

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ 1 2 3 Daimler AG Annual Report 2016 (ing.). / Mercedes-Benz Group 2017.
  2. ↑ 1 2 3 4 5 6 https://www.boerse-frankfurt.de/equity/mercedes-benz-group/key-data.
  3. ↑ 1 2 3 4 5 Daymler AG// Azərbaycan Milli Ensiklopediyası (25 cilddə). — VI cild. Bakı, 2009. — Səh.: 394–395.