Elina Neçayeva

Elina Neçayeva (est. Elina Netšajeva, rus. Элина Нечаева; 10 noyabr 1991[1], Tallin) — rus mənşəli Estoniya sopranosu. O, "La Forza" mahnısı ilə Estoniyanı 2018 Avroviziya Mahnı Müsabiqəsində təmsil etmişdir.

Elina Neçayeva
est. Elina Netšajeva
rus. Элина Нечаева
Ümumi məlumatlar
Doğum adı Elina Netšajeva
Doğum tarixi (31 yaş)
Doğum yeri Tallin, Estoniya
Vətəndaşlığı  Estoniya
Milliyyəti  Rusiya
Musiqiçi məlumatları
Fəaliyyəti Soprano
Fəaliyyət illəri 2009–h.h.
Janrlar Operatik pop, krossover
Musiqi aləti vokal
Təhsili
elinanechayeva.com
Vikianbarın loqosu Vikianbarda əlaqəli mediafayllar

Həyatı[redaktə | mənbəni redaktə et]

Elina Neçayeva 10 noyabr 1991-ci ildə Estoniyanın paytaxtı Tallin şəhərində rus ailəsində anadan olmuşdur. O, 2011-ci ildə Tallin Fransız Məktəbində təhsilini başa vurmuşdur.[2] 2016-cı ildə Estoniya Musiqi və Teatr Akademiyasını klassik musiqi ixtisası üzrə magistr dərəcəsi ilə bitirmişdir.[3]

Estoniya televiziyasında Elina ilk dəfə 2009-cu ildə Eesti otsib superstaari musiqi yarışmasındakı iştirakı ilə görülmüşdür. Daha sonra ifaçı 2014-cü ildə Estoniyanın Klassikatähed yarışmasında iştirak etmiş və nəticə olaraq finaladək yüksələ bilmişdir.[2]

2017-ci ildə Neçayeva Estoniyanın Avroviziya Mahnı Müsabiqəsi üçün təşkil etdiyi Eesti Laul milli seçim turuna aparıcılıq etmişdir.

2017-ci ilin sonlarında Elina Neçayevanın "La Forza" mahnısı ilə Estoniyanın ERR telekanalının 2018 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi təsdiqlənmişdir. Mart ayında baş tutan yarışmanın finalında Neçayeva səsvermədə rəqiblərini məğlub edərək, qalib gəlmiş və italyan dilində olan "La Forza" mahnısı ilə Estoniyanı Portuqaliyanın paytaxtı Lissabonda keçirilən Avroviziya 2018-də təmsil etmək hüququ qazanmışdır.[4]

Müsabiqə üçün uzun sürən hazırlıqlardan sonra Elina 8 may tarixində baş tutan müsabiqənin birinci yarımfinal mərhələsində 9-cu səhnə almışdır. Nəticədə ifaçı 201 xalla yarımfinalda 5-ci yeri tutmuş və iki illik fasilədən sonra ölkəsini Avroviziya finalına yüksəltməyə nail olmuşdur. Finalda mahnısını bir daha ifa edən Neçayeva ümumi nəticədə 245 xal toplayaraq, 8-ci yerdə qərarlaşmışdır.

Diskoqrafiya[redaktə | mənbəni redaktə et]

Mahnı adı İl
"La Forza" 2018
"La voce dell'alba" 2019
"Remedy" 2022

İstinadlar[redaktə | mənbəni redaktə et]

  1. Elina Nechayeva // https://pantheon.world/profile/person/Elina_Nechayeva.
  2. 1 2 "Elina Nechayeva". Eda Zahharova Music Agency. 2018-02-22 tarixində arxivləşdirilib. İstifadə tarixi: 19 fevral 2018.
  3. "La forza" Arxivləşdirilib 2018-02-01 at the Wayback Machine. ERR, yanvar 2018
  4. "Elina Nechayeva wins 'Eesti Laul' in Estonia". Eurovision.tv. 3 mart 2018. 2018-03-04 tarixində arxivləşdirilib. İstifadə tarixi: 4 mart 2018.
Əvvəlki:
Koyt ToomeLaura
"Verona"
Estoniya Avroviziya Mahnı Müsabiqəsində

2018
Sonrakı:
Viktor Kron
"Storm"

Xarici keçidlər[redaktə | mənbəni redaktə et]