Elmira Qəmbərova (d. 14 mart 1994) — Azərbaycanlı güləşçi.
Elmira Qəmbərova | |
---|---|
Şəxsi məlumatlar | |
Tam adı | Elmira Qəmbərova |
Vətəndaşlığı | |
Doğum tarixi | |
Doğum yeri | Lesosibirsk, Rusiya |
İdman növü | Güləş |
Boyu | 167 sm |
Elmira Qəmbərova 1994-cü il martın 14-də Rusiyanın Lesosibirsk şəhərində anadan olub. 2011-ci ildən Aslan Ağayevin rəhbərliyi ilə güləşlə məşğul olmağa başlayıb[1].
2014-cü ildə Polşanın Katovitse şəhərində güləş üzrə gənclər arasında Avropa çempionatında 63 kq çəki dərəcəsində Azərbaycanı təmsil edib[2]. Polşa və Çexiyadan olan rəqiblərini tam üstünlüklə məğlub edərək finala yüksəlib. Finalda türkiyəli rəqibinə məğlub olaraq gümüş medala layiq görülüb[3].
2017-ci il 12-22 may tarixlərində Bakıda keçirilən IV İslam Həmrəyliyi Oyunlarında 63 kq çəki dərəcəsində Azərbaycanı təmsil edib[4]. Elmira Qəmbərova 21 may tarixində üçüncü yer uğrunda Kamerun təmsilçisi Berte Emilen Etan Nqollaya 8:0 hesabı ilə qalib gələrək bürünc medala layiq görülüb[5].
2019-cu il 23-25 may tarixlərində İtaliyanın Sassari şəhərində güləşin üç növü üzrə Matteo Pelikone Memorialı keçirilib[6]. 1/4 final mərhələsində Tunis təmsilçisi Mərva Əmrini 5:3 hesabı ilə, 1/2 final mərhələsində İsveç təmsilçisi Malin Yohanna Matsonu isə 4:6 hesabı ilə məğlub edib. Final mərhələsində İsveç təmsilçisi Anna Katerina Yohanssona 4:6 hesabı ilə məğlub olaraq gümüş medala layiq görülüb[7][8].
2019-cu il 21-30 iyun tarixlərində Belarusun Minsk şəhərində keçirilən II Avropa Oyunlarında 62 kiloqram çəki dərəcəsində iştirak edib[9]. 1/8 final mərhələsində Almaniya təmsilçisi Luzi Manzkeni 4:0 hesabı ilə, 1/4 final mərhələsində Polşa təmsilçisi Katarzina Madrovskanı 9:0 hesabı ilə, 1/2 final mərhələsində Rumıniya təmsilçisi Krista İnczeni 4:1 hesabı ilə məğlub edib[10]. Final mərhələsində isə Ukrayna təmsilçisi Yuliya Tkaça 4:0 hesabı ilə məğlub olaraq gümüş medala layiq görülüb[11][12].
2019-cu ildə Rumıniyanın Buxarest şəhərində keçirilən Avropa Çempionatında 59 kq çəki dərəcəsində çıxış edib[13]. Üçüncü yer uğrunda görüşdə Ukrayna təmsilçisi Angelina Lisakı məğlub edərək bürünc medal qazanıb[14].