Emiliya Yaqubova

Emiliya Yaqubova (27 may 1986, Bakı) — Pop ifaçısı, Səs Azərbaycan 2015/2016 sezonun qalibi,[1][2][3] "Alex Fokin’s DJazz Radioband"ində solist (2017–2019), Azərbaycan Dövlət Televiziyası və Radiosunun solisti (2016-cı ildən).

Emiliya Yaqubova
Ümumi məlumatlar
Digər adı Emy Lia
Doğum tarixi 27 may 1986(1986-05-27) (38 yaş)
Doğum yeri
Milliyyəti azərbaycanlı
Musiqiçi məlumatları
Fəaliyyəti Müğənni, artist, fortepiano müəllimi
Fəaliyyət illəri 2008-ci ildən
Janr pop-musiqi
Musiqi aləti fortepiano
Təhsili
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Emiliya Yaqubova 1986-i il mayın 27-də Bakı şəhərində anadan olmuşdur. Asəf Zeynallı adına Musiqi Kollecinin fortepiano şöbəsini və Azərbaycan Dövlət Mədəniyyət və İncəsənət Universitetinin "Musiqi sənəti" fakültəsini bitirmişdir.

Daha sonra 2011-ci ildə Avroviziya Milli Seçim turlarında iştirak etmiş və həmin ildə "Rast" qrupunun rəhbəri xalq artisti Rəşad Həşimovun qrupuna dəvət olunmuşdur. Dörd il "Rast" qrupu nəznində "Həzz Band" qrupunun solisti kimi fəaliyyət göstərmişdir.[4] 2016-cı ildə "Azərbaycan Televiziya və Radio Verilişləri" QSC (AZTV) tərəfindən təşkil edilən və Azərbaycanda ilk dəfə keçirilən Səs Azərbaycan ("The Voice") müsabiqəsinin qalibi olmuşdur. 2016-cı ildən Azərbaycan Dövlət Televiziyası və Radiosunun solisti vəzifəsində çalışmışdır.[5]

2014-cü ildə İsveçrədə baş tutan məşhur "Montreux Jazz Festival"ında, "Rast" qrupunun solisti kimi çıxış etmişdir. Solo karyerasına başladıqdan sonra, 2017-ci ildə Böyük Britaniyanın paytaxtı, London şəhərində keçirilən "The Central Asian Spring Festival" Azərbaycanı təmsil etmişdir.

2017–2019-cu illər ərzində Ukraynanın tanınmış "Alex Fokin’s DJazz Radioband"ində solist qismində çıxış etmişdir. Eyni zamanda 2017–2019-cu illərdə 4 nömrəli uşaq musiqi məktəbində fortepiano müəlliməsi vəzifəsində çalışmışdır.

2016-cı ildə Emiliyanın ifasında iki "single" işıq üzü görmüşdür. Bunlar "Niyə" və Zülfiyyə Xanbabayevanın "Son Görüş" (Sənsiz) adlı mahnısına "cover" olaraq ifa edilmişdir.

2017-ci ildə ifaçı "JARA" festivalında çıxış etmişdir, Alla Puqaçovanın "Старинные Часы" mahnısını ifa etmişdir.[6]

2018-ci ildə isə Gürcüstanın Batumi şəhərində 14 ölkə arasında keçirilən "Discover Silk Road Star" festivalında Azərbaycanı təmsil edərək, qeyd olunan müsabiqənin qalibi olmuşdur.[2][7]

Həmin ildə Heydər Əliyev Sarayında səhnələşdirilmiş Azərbaycanın ilk uşaq müzikli olan "Ələddinin sehrli çırağı" müziklində baş rollarda iştirak edərək, "Jasmin" rolunu ifa etmişdir.[8][9]

Həmçinin 2018-ci ildə prodüserlər Emin Əfəndi və Nigar Hacızadə ilə birgə "Yersiz İstehsal" adlı layihəni hayata keçirmişlər. Layihə çərçivəsində dünyaca məşhur musiqi parçaları Azərbaycan milli musiqi alətləri ilə sintez edilərək, milli koloritlə ifa olunmuşdur.[10] Dünyaca məşhur "Black or White" (Maykl Cekson),[10] "Zombie" (The Cranberries) və "Smells like teen spirit" (Nirvana) sinqlları bu layihədə yer almışdır.

2019-cu ildən etibarən ailə qurduqdan sonra Böyük Britaniyanın London şəhərində yaşamaqdadır.[4]

Diskoqrafiya

[redaktə | mənbəni redaktə et]
  • "Niyə" (2016)
  • "Son Görüş"
  • "Azərbaycan"
  • "7AM"(7 утра)
  • "Kaş ki"
  • "Badi-Kübə"
  • "Sözsüz mahnı"
  • "Dərbədər" (2021)

İstinadlar

[redaktə | mənbəni redaktə et]
  1. ↑ A.Qorxmaz. "Bu qız "Səs Azərbaycan" mahnı yarışmasının qalibi oldu". modern.az (az.). 2023-04-11 tarixində arxivləşdirilib. İstifadə tarixi: 12.04.2023.
  2. ↑ 1 2 Kəmalə Əliyeva. ""Səs Azərbaycan" layihəsinin qalibi məşhur mahnını yeni versiyada oxuyub". sputnik.az (az.). 2023-04-11 tarixində arxivləşdirilib. İstifadə tarixi: 12.04.2023.
  3. ↑ Самира КЯЗИМОВА. "Лучший голос страны". anl.az (rus). 2023-04-11 tarixində arxivləşdirilib. İstifadə tarixi: 12.04.2023.
  4. ↑ 1 2 Феликс Вишневецкий. "Жизнь после победы в Səs Azərbaycan: Эмилия Ягубова о замужестве, переезде в Лондон и не только". 1news.az (rus). 2023-04-11 tarixində arxivləşdirilib. İstifadə tarixi: 12.04.2023.
  5. ↑ ""Eurovision 2019" namizədlərimiz bəlli oldu". live.az (az.). 2023-04-11 tarixində arxivləşdirilib. İstifadə tarixi: 12.04.2023.
  6. ↑ Джани Бабаева. "Азербайджанских звезд ждет "ЖАРА"". trend.az (rus). 2023-04-11 tarixində arxivləşdirilib. İstifadə tarixi: 12.04.2023.
  7. ↑ Ruhanə Mirzəyeva. "Azərbaycanlı ifaçı Gürcüstanda keçirilən mahnı müsabiqəsinin qalibi olub". report.az (az.). 2023-04-11 tarixində arxivləşdirilib. İstifadə tarixi: 12.04.2023.
  8. ↑ ""Ələddin" uşaq müziklinin premyerası". medeniyyet.az (az.). 2023-04-11 tarixində arxivləşdirilib. İstifadə tarixi: 12.04.2023.
  9. ↑ "Azərbaycanda ilk uşaq müzikli təqdim ediləcək". kulis.az (az.). 2023-04-11 tarixində arxivləşdirilib. İstifadə tarixi: 12.04.2023.
  10. ↑ 1 2 Джани Бабаева. "Хит Майкла Джексона с азербайджанским национальным колоритом". trend.az (rus). 2023-04-11 tarixində arxivləşdirilib. İstifadə tarixi: 12.04.2023.