Gündüz Abbaszadə
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Gündüz Balaş oğlu Abbaszadə (22 avqust 1980, Kirovabad) — Azərbaycanın idman jurnalisti, şərhçi. "Neftçi" PFK və "Qarabağ" FK-nın mətbuat xidmətinin keçmiş rəhbəri. Azərbaycanda UEFA Çempionlar liqasının ilk şərhçilərindəndir.
| Gündüz Abbaszadə | |
|---|---|
| Gündüz Balaş oğlu Abbaszadə | |
| Doğum tarixi | |
| Doğum yeri | Gəncə, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Atası | Balaş Abbaszadə |
| İxtisası | jurnalist |
| Təhsili | Bakı Dövlət Universiteti |
| Fəaliyyəti | idman jurnalisti[d] |
Həyatı
[redaktə | mənbəni redaktə et]Gündüz Abbaszadə 22 avqust 1980-ci ildə Gəncə şəhərində ziyalı ailəsində doğulub. 2002-ci ildə Bakı Dövlət Universitetinin jurnalistika fakültəsinin məzunu olub. 1999-cu ildən dövrü mətbuatda çalışır. O, bu müddət ərzində "İdman" qəzeti, AzTV, ANS TV və CBC Sport-də fəaliyyət göstərib. Bundan başqa 2011–2015-ci illərdə Neftçi PFK-nın mətbuat və ictimaiyyətlə əlaqələr departamentinin rəhbəri vəzifəsində çalışıb. 2003-cü ildən şərhçilik edir. Azərbaycanda UEFA Çempionlar Liqasının ilk şərhçilərindəndir. Fəaliyyəti dövründə UEFA Çempionlar liqası, Dünya və Avropa çempionatlarının final matçlarının şərhçisi olub. Bundan başqa 2019-cu ildə UEFA Avropa liqasının Bakıda keçirlimiş, Arsenal FK və Çelsi FK komandaları arasında baş tutmuş final oyununu şərh edib. DÇ-2018 və DÇ-2022-nin final oyunlarının şərhçisidir.
2009-cu ildə Ermənistanda keçirilən cüdo üzrə Avropa çempionatı zamanı İrəvan şəhərindən hazırladığı reportaj Prezident Kitabxanasında saxlanılır. Həmin çempionatı işıqlandırmış yeganə azərbaycanlı jurnalist Gündüz Abbaszadə olub.
2024-cü ilin avqust ayında "CBC Sport" kanalının Şərhçilər qrupunun rəhbəri və proqramlar direktoru vəzifəsinə təyin olunub.[1]
Təltifləri
[redaktə | mənbəni redaktə et]2007-ci ildə Azərbaycan Respublikası Gənclər və İdman Nazirliyi tərəfindən "İlin idman jurnalisti" adına layiq görülüb.
Ailəsi
[redaktə | mənbəni redaktə et]Atası Balaş Abbaszadə yazıçı-jurnalist olub. Balaş Abbaszadə uzun müddət Azərbaycan Ali Soveti sədrinin, o cümlədən Heydər Əliyevin köməkçisi kimi çalışıb.
İstinadlar
[redaktə | mənbəni redaktə et]- ↑ "Məşhur aparıcıya vəzifə verildi". Oxu.az (az.). 2024-08-01 tarixində arxivləşdirilib. İstifadə tarixi: 2024-08-01.
