Həsən Bitnəz

Həsən Bitməz (15 dekabr 1969, Girəsun ili – 14 dekabr 2023^[1], Ankara ili) — siyasətçi; Türkiyə Böyük Millət Məclisinin 28-ci çağırışının deputatı.^[2]

Həsən Bitməz
Türkiyə Böyük Millət Məclisinin 28-ci çağırışının deputatı
2 iyun 2023 – 14 dekabr 2023
Seçki dairəsi	2023 — Kocaeli
Şəxsi məlumatlar
Doğum tarixi	15 dekabr 1969(1969-12-15)
Doğum yeri	Girəsun ili, Türkiyə
Vəfat tarixi	14 dekabr 2023(2023-12-14)[1] (53 yaşında)
Vəfat yeri	Ankara ili, Türkiyə
Dəfn yeri	Əfəndi qəbiristanlığı[d]
Partiya	Rifah Partiyası (–1998), Fəzilət Partiyası[d] (1998–2001), Səadət Partiyası (2001–2023)
Təhsili	Əl-Əzhər Universiteti
Fəaliyyəti	siyasətçi

Həsən Bitməz 1969-cu ildə Giresun ilində anadan olub. Gebze İmam-Hatip Liseyində təhsil alıb. Əlcəzairin Əl-Əzhər Universiteti Usuliddin Bölməsindən məzun olub.^[2]

Gebze İmam-Hatip Liseyi Məzunları Dərnəyinin qurucu prezidenti, 1999–2004-cü illərdə Milli Gənclər Fondunun (MGV) sədr müavini, 2000-ci ildə Anadolu Gənclər Fondunun qurucu üzvü, 2006–2010-cu illərdə Beynəlxalq İslam Tələbə Qurumları Federasiyasının (IIFSO) İdarə Heyətinin üzvü və 2010–2014-cü illərdə qurumun Məclisinin sədri, 2008–2010-cu illərdə Beynəlxalq Gənclər Forumunun sədri vəzifələrində çalışıb. Ölümünə qədər İqtisadi-Sosial Araşdırmalar İnstitutunda (ESAM) Müşahidə Şurasının üzvü və İslam Birliyi Araşdırma İnstitutunun (İSBAM) prezidenti idi.^[2]

Siyasi fəaliyyəti ərzində Rifah Partiyası, Fəzilət Partiyası və Səadət Partiyasının üzvü olub. Rifah Partiyasında Gebze ilçə şöbəsinin sədri vəzifəsində çalışıb. Səadət Partiyasının sədr müavini idi.^[2]

2023-cü il mayın 14-də Səadət Partiyasının namizədi olaraq Cümhuriyyət Xalq Partiyasının siyahısından Kocaeli ilindən Türkiyə Böyük Millət Məclisinin 28-ci çağırışının deputatı seçilib.^[2]

İngiliscə bilirdi. Evli və 1 uşaq atası idi.^[2]

2023-cü il dekabrın 12-də Türkiyə Böyük Millət Məclisinin tribunasında HƏMAS-İsrail müharibəsi ilə bağlı çıxışından sonra huşunu itirmişdir. Ürəyi dayanan Həsən Bitməz reanimasiyaya aparılmış, 14 dekabr 2023-cü ildə 53 yaşında müalicə aldığı xəstəxanada vəfat etmişdir.^[2] Elə həmin gün TBMM-də Həsən Bitməz üçün vida mərasimi baş tutmuş, 15 dekabr 2023-cü il tarixində isə Fatih məscidində cənazə namazından sonra Əfəndi qəbiristanlığında dəfn edilmişdir.